சனி பகவான்-புதன் உருவாகும் நவபஞ்சம யோகம் ; டபுள் ஜாக்பாட் அடிக்கப்போகும் ராசிகள்

தற்போது​​சனிபகவான் மீன ராசியில் இருக்கிறார். இதன் விளைவாக, பல வகையான கிரக மாற்றங்கள் அடிக்கடி நிகழ்கின்றன. டிசம்பரில், சனிபகவான் புதனுடன் இணைந்து மிகவும் சக்திவாய்ந்த நவபஞ்சம ராஜ யோகத்தை உருவாக்குகிறார்.

இதன் விளைவாக சில ராசிக்காரர்களின் அதிர்ஷ்டக்கதவுகள் திறக்கப் போகிறது. சனி மற்றும் புதன் இணைந்து உருவாக்கும் நவபஞ்சம ராஜ யோகத்தால் சிறப்பான பலன்களை அடையப்போகும் ராசிகள் என்னென்ன என்று நாம் இங்கு பார்ப்போம். 

ரிஷபம்

ரிஷப ராசிக்காரர்களுக்கு, நவபஞ்ச ராஜ யோகம் பெரும்பாலும் பல்வேறு நேர்மறையான மாற்றங்களை வழங்கப் போகிறது. இந்த யோகத்தால் பல்வேறு வேலைகளை வெற்றிகரமாக முடிப்பதற்கு அதிர்ஷ்டத்தின் ஆதரவு அவர்களுக்குக் கிடைக்கும். மாணவர்கள் கல்வியில் சிறந்து விளங்குவார்கள், மேலும் போட்டித் தேர்வுகளிலிருந்து சிறந்த முடிவுகளை எதிர்பார்க்கலாம். வேலை அல்லது வணிகம் காரணமாக சில பயணம் செய்ய நேரிடும். அவர்களின் தனிப்பட்ட வாழ்க்கை மற்றும் தொழில் வாழ்க்கை இரண்டிலும் திருப்தியை அடைவார்கள். அவர்களின் அனைத்து முயற்சிகளுக்கும் ஆரோக்கியம் உறுதுணையாக இருக்கும்.

மிதுனம்

மிதுன ராசிக்காரர்களுக்கு, நவபஞ்ச ராஜயோகம் அற்புதமான பலன்களை தருப்போகிறது. அவர்களுக்கு, ஆண்டின் இறுதியில் இரட்டிப்பு பலன்கள் கிடைக்கும். வியாபாரிகளுக்கு இந்த யோகம் முக்கியமான திட்டங்களில் வெற்றியை அளிக்கும், இதனால் அவர்கள் பெரிய வளர்ச்சியை அடைய முடியும். வேலையில் இருப்பவர்கள் பதவி உயர்வு அல்லது சம்பள உயர்வுக்கு தகுதியுடையவர்களாக மாறலாம், இது தொழில் முன்னேற்றத்திற்கு ஒரு உற்சாகமான தருணமாக இருக்கும். நிதிரீதியாக, எதிர்பாராத பண ஆதாயங்கள் மற்றும் கடந்த காலத்தில் தடைபட்ட நிதிகளை மீட்பதற்கான காலமாக இருக்கும். இந்த காலகட்டத்தில் முதலீடுகள் பெரிய லாபத்தைக் கொடுக்கும்.

கடகம்

கடக ராசிக்காரர்களுக்கு இந்த நவபஞ்ச ராஜயோகம் அபரிமிதமான வளர்ச்சியைக் கொடுக்கப்போகிறது. இந்த யோகத்தால் அவர்களின் தன்னம்பிக்கை அதிகரிக்கும், மேலும் அவர்கள் அதிகாரத்துடன் பணிகளை முடிக்க முடியும். வேலை வாழ்க்கையில், புதிய வாய்ப்புகள் கிடைக்கும், மேலும் அவர்களின் தொழில் வாழ்க்கையில் முன்னேற்றம் அடைய முடியும். குடும்ப வாழ்க்கையில் மகிழ்ச்சி நிறைந்திருக்கும், மேலும் அவர்களின் வாழ்க்கைத்துணையுடன் தரமான நேரத்தை செலவிட முடியும். நீங்கள் பணியிடத்தில் பொறுப்புடன் செயல்பட்டால், வெற்றிக்கான வாய்ப்புகள் அதிகரிக்கும். அவர்களின் கடின உழைப்புக்கு பாராட்டுக்கள் கிடைக்கும்.

கன்னி

கன்னி ராசிக்காரர்களுக்கு புதனும் சனியும் உருவாக்கப் போகும் நவபஞ்சம ராஜ யோகம் அதிர்ஷ்டக்கதவை திறக்கப்போகிறது. இந்த யோகம் வேலையில் இருப்பவர்களுக்கு புதிய வாய்ப்புகளை வழங்கும். வியாபாரத்தில் இருந்துவந்த சவால்கள் குறையலாம், மேலும் வளர்ச்சி மற்றும் சாதனைக்கான புதிய வாய்ப்புகள் கிடைக்கும். நிதிரீதியாக, இந்த காலம் சாதகமான காலகட்டமாக இருக்கும். உங்கள் ஆரோக்கியமும் நன்றாக இருக்கும், இது உங்கள் தனிப்பட்ட மற்றும் தொழில்முறை வாழ்க்கையில் சிறப்பாக செயல்பட உறுதுணையாக இருக்கும்.

மீனம்

மீன ராசிக்கு, சனி லக்னத்திலும், புதன் 8வது வீட்டிலும் சஞ்சரிக்கிறார். இது அவர்கள் வாழ்க்கையில் மகிழ்ச்சியையும், அமைதியையும் தருகிறது. இதனால் அவர்கள் பல்வேறு விதமான நன்மைகளை அனுபவிக்கப் போகிறார்கள். அவர்கள் பொருளாதார நிலை இப்போது வலுவடையும். அலுவலகத்தில் ஏற்படும் மாற்றங்கள் அவர்களுக்கு சிறப்பான பலன்களைக் கொடுக்கும். இது வேலையில் இருப்பவர்களுக்கு பல நேர்மறையான நன்மைகளைத் தருகிறது. அலுவலகத்தில் நிலவி வந்த பணிச்சுமை குறைவதால் மன அழுத்தம் குறையும். திருமணமானவர்களுக்கு திருமண வாழ்க்கை மகிழ்ச்சியும் அமைதியும் நிறைந்ததாக இருக்கும்.