லங்காசிறி FM
மாத்தறையில் விஷ ஊசி ஏற்றி பெண் கொல்லப்பட்டாரா? தீவிர விசாரணையில் பொலிஸார்
Shankar
மாத்தறையில் உள்ள திக்வெல்ல வத்தேகம தெற்கு பகுதியில் உள்ள வீடொன்றில் 70 வயதுடைய திருமணமாகாத பெண்ணொருவர் விஷ ஊசி ஏற்றி கொல்லப்பட்ட சம்பவம் தொடர்பில் பொலிஸார் விசாரணைகளை ஆரம்பித்துள்ளனர்.
காணித் தகராறு தொடர்பான நீதிமன்ற வழக்கு இடம்பெறும் பின்னணியில் இந்த மரணம் சந்தேகத்திற்குரியது என உயிரிழந்த பெண்ணின் உறவினர்கள் தெரிவிக்கின்றனர்.
சம்பவம் தொடர்பில் மேலும் தெரியவருவதாவது,
திக்வெல்ல வத்தேகம தெற்கு பகுதியில் உள்ள வீடொன்றில் வசிக்கும் 70 வயதுடைய திருமணமாகாத பெண் ஒருவர் விஷ ஊசி ஏற்றப்பட்டதாக கூறி மாத்தறை, பதிகம வைத்தியசாலையில் டிசம்பர் 20ஆம் திகதி பிற்பகல் அனுமதிக்கப்பட்டுள்ளார்.
பின்னர் மாத்தறை மாவட்ட பொது வைத்தியசாலைக்கு மாற்றப்பட்ட அவர், அங்கு நான்கு நாட்களாக தீவிர சிகிச்சைப் பிரிவில் சிகிச்சை பெற்று வந்த நிலையில் நேற்று (24-12-2024) மாலை உயிரிழந்துள்ளார்.
வீட்டுக்குள் வந்த இனந்தெரியாத நபர் ஒருவர் விஷ ஊசியை ஏற்றிவிட்டு தப்பிச் சென்றதாக அவரது உறவினர்கள் தெரிவிக்கின்றனர்.
சம்பவம் குறித்து திக்வெல்ல பொலிஸார் நடாத்திய விசாரணைகளின் போது, குறித்த வீட்டிற்கு அருகில் இருந்த சிசிரிவி கமராவில் பதிவான காட்சிகள் ஆராயப்பட்டன.
அதன்படி, சம்பந்தப்பட்ட பெண்ணைச் சந்திப்பதற்காக ஒருவர் வீட்டிற்குள் நுழைவதைக் காட்டுகிறது.
சில நிமிடங்களுக்குப் பிறகு, இனந்தெரியாத நபரும் சம்பந்தப்பட்ட பெண்ணும் அச்சத்துடன் வீட்டை விட்டு வெளியே வருவதும் அவதானிக்கப்பட்டுள்ளது.
குறித்த சிசிரிவி காட்சிகளில், பெண்ணின் கழுத்தைப் பிடித்து, வீதியை கடந்து அருகில் உள்ள உறவினர் வீட்டிற்கு ஓடுவதும், விஷ ஊசியை ஏற்றியதாக சந்தேகிக்கப்படும் நபர், மோட்டார் சைக்கிளில் தப்பிச் செல்வதும் தெரிகிறது.
சம்பவம் குறித்து செய்தி பிரிவு வினவியபோது, குறித்த பெண்ணுக்கு விஷ ஊசி செலுத்தியதாக கூறப்படும் நபர் கைது செய்யப்பட்டு இன்றையதினம் (25-12-2024) மாத்தறை நீதிமன்றத்தில் ஆஜர்படுத்தப்பட்டதன் பின்னர் விளக்கமறியலில் வைக்கப்பட்டதாக திக்வெல்ல பொலிஸார் தெரிவித்தனர்.
உயிரிழந்த பெண்ணின் இரத்த மாதிரிகள் சட்ட வைத்திய அறிக்கைகளுக்காக அனுப்பி வைக்கப்பட்டுள்ளதாக மாத்தறை பொது வைத்தியசாலையின் பேச்சாளர் தெரிவித்துள்ளார்.
நயினாதீவு 5ம் வட்டாரம், நயினாதீவு 2ம் வட்டாரம், கோண்டாவில், Toronto, Canada, Montreal, Canada, London, United Kingdom
04 Dec, 2025
அச்சுவேலி, Woodbridge, Canada
18 Dec, 2010
புங்குடுதீவு 3ம் வட்டாரம், யாழ்ப்பாணம், நீர்கொழும்பு, பிரான்ஸ், France
16 Dec, 2016
யாழ்ப்பாணம், யாழ் அச்சுவேலி தோப்பு, Jaffna, பேர்ண், Switzerland
19 Nov, 2025
