லங்காசிறி FM
பொரளை இரட்டைக் கொலை வழக்கில் சிக்கிய பெண்!
கடந்த 2025-ஆம் ஆண்டு கொழும்பு, பொரளை பகுதியில் உள்ள 'சிறிசர உயன' அடுக்குமாடி குடியிருப்பு வளாகத்திற்கு அருகே நடந்த இரட்டைக் கொலைச் சம்பவத்துடன் தொடர்புடைய 46 வயதுடைய பெண் ஒருவரைக் கொழும்பு குற்றத்தடுப்புப் பிரிவினர் (CCD) கைது செய்துள்ளனர்.
கொலையைச் செய்த கும்பலுக்குத் துப்பாக்கிகளைக் கடத்திக் கொடுத்தும், அவற்றை உரியவர்களிடம் ஒப்படைத்தும் இவர் உதவியுள்ளதாகக் காவல்துறைத் தரப்பில் தெரிவிக்கப்பட்டுள்ளது.
சர்வதேசக் காவல்துறையின் 'சிவப்பு எச்சரிக்கை'
துபாய்க்குத் தப்பியோடியிருந்த கொலை வழக்கின் முக்கிய குற்றவாளியான, பொரளை பகுதியைச் சேர்ந்த பிரபல பாதாள உலகக் குழு உறுப்பினர் அண்மையில் கைது செய்யப்பட்டதைத் தொடர்ந்தே இந்த அதிரடி முன்னேற்றம் ஏற்பட்டுள்ளது.
சர்வதேசக் காவல்துறையின் 'சிவப்பு எச்சரிக்கை' (Red Notice) மூலம் தேடப்பட்டு வந்த அவர், இலங்கைக்கு நாடு கடத்தப்பட்டதைத் தொடர்ந்து கடந்த மே 22, 2026 அன்று அதிகாரிகளால் கைது செய்யப்பட்டு கொழும்பு குற்றத்தடுப்புப் பிரிவினரின் காவலில் வைக்கப்பட்டு தீவிர விசாரணைக்கு உட்படுத்தப்பட்டு வருகிறார்.
கடந்த 2025-ஆம் ஆண்டு ஓகஸ்ட் 7-ஆம் திகதி, மோட்டார் சைக்கிளில் வந்த இரு ஆயுததாரிகள் சிறிசர உயன அடுக்குமாடி குடியிருப்புக்கு அருகில் நடத்திய துப்பாக்கிச் சூட்டில் இருவர் கொல்லப்பட்ட நிலையில் மூவர் படுகாயமடைந்தனர்.
கைது செய்யப்பட்ட முக்கிய குற்றவாளியிடம் நடத்தப்பட்ட விசாரணையின் அடிப்படையில், குற்றத்திற்குப் பயன்படுத்தப்பட்ட மோட்டார் சைக்கிளை இங்கிரிய பகுதியில் இருந்து புலனாய்வாளர்கள் மீட்டனர்.
தொடர்ந்து, பொரளை பகுதியில் உள்ள முக்கிய குற்றவாளிக்குத் சொந்தமான கைவிடப்பட்ட வீடு ஒன்றைச் சோதனையிட்ட காவல்துறையினர், அங்கு மறைத்து வைக்கப்பட்டிருந்த வெளிநாட்டில் தயாரிக்கப்பட்ட இரண்டு கைத்துப்பாக்கிகளையும் (Revolvers), 9 மில்லிமீட்டர் அளவிலான 4 தோட்டாக்களையும் பறிமுதல் செய்துள்ளனர்.
புளியந்தீவு, Toronto, Canada, புங்குடுதீவு, மட்டக்களப்பு
25 May, 2026
புங்குடுதீவு 9ம் வட்டாரம், கிளிநொச்சி, டென்மார்க், Denmark, London, United Kingdom
01 Jun, 2015
ஆவரங்கால், Bremerhaven, Germany, Fribourg, Switzerland, Chennai, India
24 May, 2021
கொழும்பு, புங்குடுதீவு 10ம் வட்டாரம், ஜேர்மனி, Germany, Scarborough, Canada
25 May, 2021
யாழ் நாரந்தனை கிழக்கு, Jaffna, கொழும்பு, Zürich, Switzerland
25 Apr, 2026
புங்குடுதீவு 10ம் வட்டாரம், கிளிநொச்சி, Lützelflüh, Switzerland
21 May, 2026
