லங்காசிறி FM
சாரதிகளுக்கு வெளியான எச்சரிக்கை ; காத்திருக்கும் தண்டனை
தற்போது புதிதாக ஆரம்பிக்கப்பட்டுள்ள சாரதி உரிமப் புள்ளி முறைமையின் முதன்மை நோக்கமானது, போக்குவரத்து விதிகளை அடிக்கடி மீறும் சாரதிகளைத் தண்டிப்பதே ஆகும் என அமைச்சர் பிமல் ரத்நாயக்க தெரிவித்துள்ளார்.
அண்மையில் நாடாளுமன்றில் நடைபெற்ற போக்குவரத்து, நெடுஞ்சாலைகள் மற்றும் நகர அபிவிருத்தி விவகாரங்கள் பற்றிய அமைச்சுசார் ஆலோசனைக் குழுவில் கலந்து கொண்டு இதனைக் கூறியுள்ளார்.
பயிற்சித் திட்டங்கள்
அதற்கமைய உலகளவில் வீதிப் பாதுகாப்பை உறுதி செய்வதற்காகப் பயன்படுத்தப்படும் இந்த பிரபல முறையைப் பற்றி நாட்டின் பொதுமக்களுக்கு விழிப்புணர்வூட்டுவதற்கும் அதற்குப் பழக்கப்படுத்துவதற்குமான ஆறு மாத முன்னோடித் திட்டம் 2027 மார்ச் 31 வரை நடைமுறைப்படுத்தப்படும்.
முன்மொழியப்பட்டுள்ள இம்முறையின் கீழ், சாரதி ஒருவர் செய்யும் போக்குவரத்து குற்றத்தின் தன்மைக்கு ஏற்ப அவரது சாரதி அனுமதிப் பத்திரத்திற்கான புள்ளிகள் சேர்க்கப்படும். அப்புள்ளிகளின் எண்ணிக்கை 30 ஐ எட்டும்போது, இந்த முறைமையின் மூலம் தானாகவே சம்பந்தப்பட்டவரின் சாரதி உரிமம் இடைநிறுத்தப்படும்.
உரிமம் இடைநிறுத்தப்பட்ட பின்னர், சம்பந்தப்பட்ட சாரதி அதை அருகிலுள்ள பொலிஸ் நிலையத்தில் ஒப்படைக்க வேண்டும்.
வழக்கமாக ஒரு வருட காலத்திற்கு உரிமம் இடைநிறுத்தப்படும் அதேவேளை, குறிப்பிட்ட பயிற்சித் திட்டங்களை வெற்றிகரமாக முடிப்பதன் மூலம் அக்காலத்தை மூன்று மாதங்களாகக் குறைத்துக் கொள்ள வாய்ப்பளிக்கப்படும் என்றும் இங்கு சுட்டிக்காட்டப்பட்டது.
அதற்கமைய, போக்குவரத்து குற்றமொன்றைப் புரிந்து அதற்கான அபராதத் தொகையை பொலிஸாரிடம் செலுத்திய பின்னர், அக்குற்றத்திற்காகப் சேர்க்கப்படவிருக்கும் புள்ளிகளை அறிவித்து சாரதியின் கைபேசிக்கு குறுஞ்செய்தி அனுப்பப்படும்.
இதன் நோக்கம் பொதுமக்களைப் அச்சமடைய செய்வது அல்ல, மாறாக புதிய முறைமையைப் பற்றி விழிப்புணர்வூட்டி போக்குவரத்து விதிகளுக்கு அமையச் செயற்படச் சாரதிகளை ஊக்குவிப்பதே ஆகும் என வலியுறுத்தப்பட்டது.
மலேசியா, Malaysia, தெல்லிப்பழை, Wembley, United Kingdom
09 Oct, 2026
வல்வெட்டித்துறை, Chennai, India, London, United Kingdom
20 Oct, 2016
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024
புங்குடுதீவு 3ம் வட்டாரம், London, United Kingdom
13 Oct, 2024