லங்காசிறி FM
கூகுள் சுந்தர் பிச்சையை அரக்கன் என பாராட்டிய ட்ரம்ப்!
கூகுள் நிறுவனத்தின் தலைமை நிறைவேற்று அதிகாரி சுந்தர் பிச்சையை அமெரிக்க ஜனாதிபதி டொனால்ட் ட்ரம்ப் அரக்கன் எனக் குறிப்பிட்டுப் பாராட்டியுள்ளார்.
வெள்ளை மாளிகையில் நடைபெற்ற இந்தக் கூட்டத்தில் கூகுள் நிறுவனத்தின் சுந்தர் பிச்சை, மெட்டா நிறுவனத்தின் மார்க் ஸுக்கர்பெர்க், ஆந்த்ரோபிக் நிறுவனத்தின் டேரியோ அமோடி உள்ளிட்ட முன்னணி தொழில்நுட்ப நிறுவனங்களின் தலைவர்கள் கலந்துகொண்டனர்.
சுந்தர் பிச்சை தொழில்நுட்பத் துறை சாதனை
செயற்கை நுண்ணறிவின் பாதுகாப்பு மற்றும் நவீன ஏ.ஐ. தொழில்நுட்பத்தை கண்காணிப்பதற்கான கட்டமைப்பை வலுப்படுத்துவது உள்ளிட்ட விடயங்கள் தொடர்பில் கூட்டத்தில் கலந்துரையாடப்பட்டதாக தெரிவிக்கப்படுகிறது.
இதனையடுத்து செய்தியாளர்களிடம் பேசிய ட்ரம்ப், சுந்தர் பிச்சை தொழில்நுட்பத் துறை சாதனைகளைப் பாராட்டும் வகையில், “இவர் ஓர் அரக்கன். யாருக்கும் அது தெரியாது” எனக் குறிப்பிட்டுள்ளார்.
இதனைத் தொடர்ந்து சுந்தர் பிச்சை சிரித்தபடி ட்ரம்பின் பாராட்டுக்கு நன்றி தெரிவிக்கும் வகையில் கைகளை கூப்பினார்.
அதேவேளை, செயற்கை நுண்ணறிவு தொடர்பில் கருத்து தெரிவித்த ட்ரம்ப், எதிர்காலத்தில் ‘Artificial Intelligence’ என்பதற்குப் பதிலாக ‘Super Intelligence’என்ற பெயரைப் பயன்படுத்துவது குறித்து தொழில்நுட்பத் துறை தலைவர்களுடன் கலந்துரையாடியதாக தெரிவித்துள்ளார்.
மானிப்பாய், Florida, United States, Southgate, United Kingdom
24 Sep, 2026
