லங்காசிறி FM
திருகோணமலை புத்தர் சிலை; நாமல் ராஜபக்க்ஷவின் புதிய கண்டுபிடிப்பு
திருமலையில் புத்தர் சிலை வைக்கப்பட்ட இடத்தில் 1952ஆம் ஆண்டே விகாரை இருந்ததாக நாமல் ராஜபக்க்ஷ நாடாளும்ன்றில் கூறியுள்ளார்.
திருகோணமலை புத்தர் சிலை விவகாரப் பிரச்சினையை இனவாதப் பிரச்சினையாக மாற்றுவதற்கு இடமளிக்க வேண்டாம் என்றும், அரசு உடனடியாகத் தலையிட்டு இரு தரப்பினரையும் அழைத்துப் பேச்சு நடத்தி பிரச்சினையைச் சுமுகமாகத் தீர்த்து வைக்க வேண்டும் என பெரமுன கட்சியின் தேசிய அமைப்பாளர் நாமல் ராஜபக்ஷ தெரிவித்துள்ளார்.
1952 இல் நிர்மாணிக்கப்பட்டு 2004 புனித பூமியாக்கப்பட்டுள்ளது
நாடாளுமன்றத்தில், திருகோணமலை புத்தர் சிலை சம்பவம் தொடர்பில் கருத்து தெரிவிக்கும் போதே அவ்வாறு தெரிவித்தார். இதன் போது நாமல் ராஜபக்ஷ மேலும் தெரிவிக்கையில்,
திருகோணமலையில் விகாரை பிரச்சினை ஏற்பட்டுள்ளது. புத்தர் சிலையைப் பாதுகாப்புக்காகவே அந்தச் சிலை ஞாயிற்றுக்கிழமை இரவு அங்கிருந்து எடுக்கப்பட்டது எனப் பொதுமக்கள் பாதுகாப்பு அமைச்சர் குறிப்பிட்டார்.
ஆனால், பொலிஸாரின் தாக்குதலில் இரு பிக்குகள் காயமடைந்துள்ளனர். இந்த விகாரை 1952 ஆம் ஆண்டு நிர்மாணிக்கப்பட்டு 2004 ஆம் ஆண்டில் புனித பூமியாக்கப்பட்டுள்ளது.
கிழக்கில் பழமையான அறநெறி பாடசாலையும் இங்குள்ளது. எனவே, அரசு உடனடியாகத் தலையிட்டு பேச்சு நடத்த வேண்டும். இதனை இனவாதப் பிரச்சினையாக மாற்றுவதற்கு இடமளிக்கக் கூடாது. இரு தரப்பினரையும் அழைத்துப் பேச்சு நடத்தி தீர்வை வழங்க வேண்டும் என தெரிவித்தார்.
புங்குடுதீவு 3ம் வட்டாரம், Herzogenbuchsee, Switzerland, Toronto, Canada, கரவெட்டி
05 Oct, 2022
