லங்காசிறி FM
எடப்பாடிக்கு பேரதிர்ச்சி ; அதிமுக முக்கிய தலைவர்கள் விஜய் பக்கம்?
தமிழக அரசியலில் பரபரப்பை ஏற்படுத்தும் வகையில், அதிமுகவின் முக்கிய தலைவர்களான சி.வி. சண்முகம், எஸ்.பி. வேலுமணி மற்றும் சி. விஜயபாஸ்கர் தலைமையில் 35 சட்டமன்ற உறுப்பினர்கள் தமிழக வெற்றிக் கழகத்திற்கு (TVK) ஆதரவு வழங்க முன்வந்துள்ளதாக தகவல்கள் வெளியாகியுள்ளன.
இந்த ஆதரவு தொடர்பான கடிதங்கள் ஆளுநரிடம் சமர்ப்பிக்கப்படவுள்ளதாகவும், அதன் மூலம் விஜய் தலைமையிலான கூட்டணி மேலும் வலுவடையக்கூடும் என்றும் அரசியல் வட்டாரங்கள் தெரிவிக்கின்றன.
முன்னாள் முதலமைச்சர்கள் எம்.ஜி.ஆர் மற்றும் ஜெயலலிதா மறைவுக்குப் பின்னர் அதிமுக சந்தித்த முக்கிய அரசியல் பிளவுகளுக்கு ஒப்பான சூழல் தற்போது உருவாகியுள்ளதாகவும் கூறப்படுகிறது.
அதிமுகவின் மொத்த 47 சட்டமன்ற உறுப்பினர்களில் 35 பேர் தனித்த அணியாக செயல்பட முடிவு செய்துள்ளதாக கூறப்படும் நிலையில், கட்சியில் அதிகாரப்பூர்வ பிளவு ஏற்படும் வாய்ப்பு குறித்தும் பேசப்படுகிறது.
அரசியல் சட்டத்தின் கட்சித் தாவல் தடை விதிகளின்படி, ஒரு கட்சியின் சட்டமன்ற உறுப்பினர்களில் மூன்றில் இரண்டு பங்கு உறுப்பினர்கள் பிரிந்து சென்றால், அவர்கள் மீது கட்சித் தாவல் சட்டம் அமலாகாது.
இதனால், இந்த 35 உறுப்பினர்களும் தங்கள் பதவியை இழக்காமல் புதிய அணியாக செயல்பட முடியும் என அரசியல் ஆய்வாளர்கள் சுட்டிக்காட்டுகின்றனர்.
ஏற்கெனவே காங்கிரஸ் மற்றும் இடதுசாரி கட்சிகளின் ஆதரவுடன் பெரும்பான்மை எண்ணிக்கையை எட்டியுள்ளதாக கூறப்படும் விஜய் தலைமையிலான TVK கூட்டணிக்கு, இந்த புதிய ஆதரவு சட்டப்பேரவையில் கூடுதல் பலத்தை வழங்கும் என எதிர்பார்க்கப்படுகிறது.
இதற்கிடையில், அதிமுக தரப்பிலிருந்து இதுகுறித்து இதுவரை அதிகாரப்பூர்வ விளக்கம் வெளியாகவில்லை.
இந்த தகவல்கள் தமிழக அரசியலில் புதிய திருப்பத்தை ஏற்படுத்தியுள்ளதுடன், அடுத்தடுத்த அரசியல் நகர்வுகள் மீது பெரும் கவனம் திரும்பியுள்ளது.
புங்குடுதீவு 9ம் வட்டாரம், மடத்துவெளி புங்குடுதீவு, சுன்னாகம், கொழும்பு, Brampton, Canada
09 May, 2026
கரம்பொன், கிளிநொச்சி, யாழ்ப்பாணம், கொழும்பு, Ilford, United Kingdom, Mundesley, United Kingdom
25 Apr, 2026
