லங்காசிறி FM
யாழில் புட்டிப்பால் குடித்துவிட்டு உறங்கிய ஒரு வயது குழந்தை பரிதாப உயிரிழப்பு
யாழ்ப்பாணம், அனலைதீவில் புட்டிப்பால் குடித்துவிட்டு உறங்கிய ஒரு வயது குழந்தை வாயிலும் மூக்கிலும் நுரை வந்த நிலையில் உயிரிழந்த சம்பவம் ஒன்று இடம்பெற்றுள்ளது.
அனலைதீவு 5ஆம் வட்டாரத்தைச் சேர்ந்த ஒரு வயது குழந்தையே இவ்வாறு உயிரிழந்துள்ளது.
உடற்கூற்று பரிசோதனை
நேற்று (01) காலை குழந்தைக்கு தாயார் புட்டிப்பால் ஊட்டிவிட்டு உறங்க வைத்துள்ளார்.
இதனையடுத்து, சில மணிநேரங்களின் பின்னர் குழந்தையின் வாயிலும் மூக்கிலும் நுரை காணப்பட்டதாக தெரிவிக்கப்படுகிறது.
உடனடியாக குழந்தை அனலைதீவு வைத்தியசாலைக்கு கொண்டு செல்லப்பட்ட நிலையில், அங்கிருந்து மேலதிக சிகிச்சைக்காக ஊர்காவற்துறை ஆதார வைத்தியசாலைக்கு அனுப்பி வைக்கப்பட்டுள்ளது.
எனினும், குழந்தை ஏற்கனவே உயிரிழந்துவிட்டதாக வைத்தியர்கள் தெரிவித்துள்ளனர்.
குழந்தையின் சடலம் தொடர்பான மரண விசாரணைகளை திடீர் மரண விசாரணை அதிகாரி ஆ. ஜெயபாலசிங்கம் மேற்கொண்டுள்ளார்.
உடற்கூற்று பரிசோதனைகளுக்காக குழந்தையின் சடலம் யாழ்ப்பாணம் போதனா வைத்தியசாலையில் வைக்கப்பட்டுள்ளது.
குழந்தையின் உயிரிழப்புக்கான காரணம் உடற்கூற்று பரிசோதனைகளின் பின்னரே தெரியவரும் என தெரிவிக்கப்படுகிறது.
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
நெடுந்தீவு கிழக்கு, கொழும்பு, பாண்டியன்குளம், Brampton, Canada
26 Sep, 2026
மானிப்பாய், Florida, United States, Southgate, United Kingdom
24 Sep, 2026
