லங்காசிறி FM
சாதாரண தரப்பரீட்சை நாட்களில் மின்தடை ஏற்படுமா?...வெளியான தகவல்
Praveen
க.பொ.த சாதாரண தரப் பரீட்சையின் போது மாலை 6:30 மணி நேரத்திலும் அதன் பின்னரும் தடையின்றி மின்சார விநியோகத்தை உறுதிப்படுத்த பொதுப் பயன்பாட்டு ஆணைக்குழு நடவடிக்கை எடுத்துள்ளது.
517,496 வேட்பாளர்களின் நலன் கருதி இந்த முடிவு எடுக்கப்பட்டுள்ளதாக ஆணைக்குழுவின் தலைவர் ஜானக ரத்நாயக்க தெரிவித்துள்ளார். இதற்கமைய, பரீட்சையின் போது மற்றும் இம்மாதம் 22ஆம் திகதி முதல் 1ஆம் திகதி வரை மாலை 6 மணிக்குப் பின்னர் மின்தடைக்கு விண்ணப்பிக்க வேண்டாம் என பொதுப் பயன்பாடுகள் ஆணைக்குழு மின்சார சபைக்கு அறிவுறுத்தியுள்ளது.
எரிபொருள் மற்றும் நீர் உட்பட தேவையான வளங்களை வழங்குவதற்கு நடவடிக்கை எடுக்குமாறு சம்பந்தப்பட்ட அரச நிறுவனங்களுக்கு பொதுப் பயன்பாடுகள் ஆணைக்குழு அறிவுறுத்தியுள்ளது.
அதேநேரம், 21, 22, 29 ஆகிய திகதிகளில் மாலை 6 மணிக்கு மேல் தடையின்றி மின்சாரம் விநியோகிக்க முடிவு செய்யப்பட்டது.
க.பொ.த சாதாரண தரப் பரீட்சைகள் எதிர்வரும் 23ஆம் திகதி முதல் ஜூன் மாதம் 1ஆம் திகதி வரை நடைபெறவுள்ளமை குறிப்பிடத்தக்கது.
கஸ்தூரியார் வீதி, யாழ்ப்பாணம், நீர்வேலி
28 Sep, 2021
நாரந்தனை, ஆறுகால்மடம், பலெர்மோ, Italy, பிரித்தானியா, United Kingdom
13 Oct, 2020
புங்குடுதீவு 10ம் வட்டாரம், Langenthal, Switzerland
12 Oct, 2020
