ஒரே இரவில் ஆலயத்திலும் விகாரையிலும் திருட்டு சம்பவங்கள்

Sri Lanka Police Kandy Sri Lanka Police Investigation Crime

By Sahana Oct 15, 2026 05:38 PM GMT

Sahana

Report

கண்டி கலஹா நகரில் அமைந்துள்ள ஸ்ரீ முத்துமாரியம்மன் ஆலயத்திலும், உடதெல்தோட்டை பகுதியில் அமைந்துள்ள விகாரையிலும் ஒரே இரவில் கொள்ளைச் சம்பவங்கள் இடம்பெற்றுள்ளதாகத் தெரிவிக்கப்படுகிறது.

மேலதிக விசாரணை

இந்தச் சம்பவங்கள் நேற்றிரவு இடம்பெற்றுள்ளது. கலஹா ஸ்ரீ முத்துமாரியம்மன் ஆலயத்தின் பின்புறக் கதவை உடைத்துக்கொண்டு உள்ளே பிரவேசித்த இனந்தெரியாத நபர்கள், அம்மனுக்குக் காணிக்கையாகச் செலுத்தப்பட்டிருந்த பணத்தைக் கொள்ளையடித்துச் சென்றுள்ளனர்.

ஒரே இரவில் ஆலயத்திலும் விகாரையிலும் திருட்டு சம்பவங்கள் | Thefts At Both A Temple And A Vihara On Same Night

இதேவேளை, கலஹா உடதெல்தோட்டை பகுதியில் அமைந்துள்ள விகாரையிலும் இனந்தெரியாத நபர்கள் கொள்ளையில் ஈடுபட்டுள்ளனர்.

இதன்போது, விகாரையில் வைக்கப்பட்டிருந்த சுமார் நான்கு இலட்சம் ரூபாய் பெறுமதியான மாணிக்கக்கல் (Zircon) கொள்ளையடிக்கப்பட்டுள்ளதாகத் தெரிவிக்கப்படுகிறது.

ஒரே இரவில் இந்து ஆலயம் மற்றும் பௌத்த விகாரை ஆகிய இரு வழிபாட்டுத் தலங்களிலும் கொள்ளைச் சம்பவங்கள் இடம்பெற்றுள்ளமை அப்பகுதியில் பரபரப்பை ஏற்படுத்தியுள்ளது.

இந்த இரு சம்பவங்களுக்கும் இடையில் தொடர்பு இருக்கலாம் என்றும், ஒரே குழுவினர் இந்தக் கொள்ளைகளில் ஈடுபட்டிருக்கலாம் என்றும் பொலிஸார் சந்தேகம் வெளியிட்டுள்ளனர்.

இதனையடுத்து, மோப்ப நாய்களின் உதவியுடன் கொள்ளையில் ஈடுபட்டவர்களைக் கண்டறிந்து கைது செய்வதற்கான நடவடிக்கைகளைப் பொலிஸார் முன்னெடுத்து வருகின்றனர்.

சம்பவங்கள் தொடர்பில் மேலதிக விசாரணைகள் தொடர்ந்து முன்னெடுக்கப்பட்டு வருகின்றன.