லங்காசிறி FM
தமிழக சட்டமன்றத் தேர்தல் ; கணிப்புகளை தவிடு பொடியாக்கிய விஜய் !
தமிழக சட்டமன்றத் தேர்தலில் பதிவான வாக்குகள் எண்ணப்பட்டு வரும் நிலையில், தற்போதைய நிலவரப்படி நடிகர் விஜய்யின் தமிழக வெற்றிக் கழகம் (TVK) 90-க்கும் மேற்பட்ட தொகுதிகளில் முன்னிலையில் உள்ளது.
பெரும்பாலான நிறுவனங்களின் கருத்துக்கணிப்புகள் திமுக மீண்டும் ஆட்சியைக் கைப்பற்றும் என்று தெரிவித்திருந்த நிலையில், 'எக்சிஸ் மை இந்தியா' (Axis My India) நிறுவனம் மட்டும் தமிழக வெற்றிக் கழகம் அதிக இடங்களில் வென்று ஆட்சி அமைக்கும் என கணித்திருந்தது.
அரசியல் கணக்குகள் முழுவதும் மாறியுள்ளன
தற்போதைய நிலவரம் இந்த கணிப்பை மெய்ப்பிக்கும் வகையில் அமைந்துள்ளது. தமிழக அரசியலில் கடந்த பல ஆண்டுகளாக திமுக மற்றும் அதிமுக ஆகிய இரு கட்சிகளுக்கு இடையேதான் நேரடி போட்டி நிலவி வந்தது.
ஆனால், இந்த முறை விஜய் தலைமையிலான தமிழக வெற்றிக் கழகம் களம் இறங்கியதன் மூலம் அந்த அரசியல் கணக்குகள் முழுவதும் மாறியுள்ளன. இதற்கு முன்னர் 2021 சட்டமன்றத் தேர்தலிலும் 'எக்சிஸ் மை இந்தியா' நிறுவனத்தின் கணிப்பு திமுகவின் மாபெரும் வெற்றியை மிகச் சரியாகக் கணித்திருந்தது.
தற்போதைய வாக்கு எண்ணிக்கையிலும் அந்தக் கணிப்பின்படி 90 முதல் 120 இடங்கள் வரை தமிழக வெற்றிக் கழகத்திற்கு கிடைக்கும் என்ற எதிர்பார்ப்பு நிலவுகிறது. ஆளுங்கட்சியான திமுக மூன்றாவது இடத்திற்குத் தள்ளப்பட்டு, தமிழக வெற்றிக் கழகம் முன்னிலை வகிப்பது அரசியல் தரப்பில் பெரும் அதிர்வலையை ஏற்படுத்தியுள்ளது
உடுவில், கொழும்பு, Melbourne, Australia, சிங்கப்பூர், Singapore, Kuala Lumpur, Malaysia, Chennai, India, வவுனியா
26 May, 2026
