லங்காசிறி FM
கிளிநொச்சியில் பெண்ணிடம் திருட முயன்ற சந்தேக நபரை மடக்கிப்பிடித்த பொதுமக்கள்!
கிளிநொச்சி பகுதியில் திருட்டு சம்பவம் ஒன்றுடன் தொடர்புடைய சந்தேகநபரை பொது மக்கள் இராணுவத்தினரின் உதவியுடன் மடக்கிப்பிடித்து பொலிஸாரிடம் ஒப்படைத்துள்ளனர்.
இச் சம்பவம் இன்றிரவு 7.30 மணியளவில் கிளிநொச்சி - மலையாளபுரம் பகுதியில் இடம்பெற்றுள்ளது.
சம்பவம் தொடர்பில் மேலும் தெரியவருவதாவது,
வீதியால் பயணித்துக் கொண்டிருந்த பெண்ணொருவரிடம் குறித்த சந்தேக நபரும் மற்றொரு சந்தேக நபரும் தொலைபேசியை கேட்டு உதவி கோரியுள்ளனர்.
தமது மோட்டார் சைக்கிளில் எரிபொருள் தீர்ந்துவிட்டதாகவும் நண்பர்களின் உதவியை கோர தொலைபேசியை கோரியுள்ளனர்.
இந்த நிலையில் குறித்த பெண் உதவ முன்வந்தபோது அப்பெண்ணின் கைப்பையை சந்தேக நபர்கள் பறிக்க முற்பட்டுள்ளனர்.
இதன்போது உதவி கோரி பெண் சத்தமிட்டுள்ளார், குறித்த சம்பவம் இடம்பெற்ற இடத்திற்கு அருகில் இராணுவ முகாம் இருந்த நிலையில், சம்பவ இடத்திற்கு படையினர் சென்று அப்பெண்ணிற்கு உதவ முயன்றனர்.
இதேவேளை, ஒருவர் குறித்த பெண்ணின் தங்க சங்கிலியை அறுத்துத் தப்பி சென்றுள்ளதாக அப்பெண் பொலிஸில் முறைப்பாடு செய்துள்ளார்.
மற்றைய சந்தேக நபரை இராணுவத்தினர் கைது செய்து பொலிஸாரிடம் ஒப்படைத்துள்ளனர்.
கைது செய்யப்பட்ட சந்தேக நபர் பல்வேறு குற்றச் செயல்களில் ஈடுபட்டிருந்ததாக பொலிஸார் தெரிவிக்கின்றனர்.
சம்பவ இடத்தில் பொதுமக்கள் பலரும் கூடியிருந்ததுடன், மற்றைய சந்தேக நபரை தேடி வருகின்றனர்.
குறித்த சம்பவம் தொடர்பான பொலிஸார் விசாரணைகளை ஆரம்பித்துள்ளனர்.
சாரையடி, வத்தளை, Riyadh, Saudi Arabia, North York, Canada
14 Jul, 2026
கரம்பொன், யாழ்ப்பாணம், அக்கரைப்பற்று, Scarborough, Canada
13 Jul, 2026
மலேசியா, Malaysia, மானிப்பாய், Duisburg, Germany, London, United Kingdom
10 Jul, 2026