லங்காசிறி FM
கச்சத்தீவில் புனித அந்தோணியார் திருவிழாவில் பங்கேற்ற 2500 இந்திய யாத்ரீகர்கள்!
Shankar
கச்சத்தீவில் நேற்று முன்தினம் மற்றும் நேற்று (03-03-2023 & 04-03-2023) நடைபெற்ற வருடாந்திர புனித அந்தோணியார் திருவிழாவில் முக்கியமாக மீனவர்கள் மற்றும் மதகுருமார்கள் அடங்கிய சுமார் 2500 இந்திய யாத்ரீகர்கள் பங்கேற்றனர்.
வருடாந்த திருவிழாவில் சுமார் 3000 இலங்கை யாத்ரீகர்களும் பங்கேற்றனர்.
மார்ச் 3 ஆம் திகதி கச்சத்தீவை வந்தடைந்த யாத்திரிகர்களை கடற்றொழில் அமைச்சர் டக்ளஸ் தேவானந்தா (Douglas Devananda) அவர்கள் வரவேற்றார்.
திருவிழாவை முன்னிட்டு அன்றைய தினம் சிறப்பு பிரார்த்தனையும், மாலையில் திருப்பலியும் நடைபெற்றது.
மீனவர்களின் பாதுகாவலரான பதுவா அந்தோனியாருக்கு அர்ப்பணிக்கப்பட்ட ஒரு சிறப்பு ஆராதனை, இந்தியா மற்றும் இலங்கையைச் சேர்ந்த பாதிரியார்களால் 4 மார்ச் 2023 அன்று கூட்டாக நடத்தப்பட்டது. இதைத்தொடர்ந்து பாரம்பரிய விருந்து நடந்தது.
இந்திய மற்றும் இலங்கை யாத்ரீகர்களின் கைவினைப் படைப்புகளைக் காட்சிப்படுத்தும் மற்றும் விற்பனை செய்யும் ஸ்டால்கள் அமைக்கப்பட்டு, விழாக்களுக்கு மேலும் வண்ணம் சேர்த்தன.
இந்த ஆண்டு விழாக்களை நடத்துவதற்கு இந்திய அரசு நிதியுதவி வழங்கியுள்ளது. விழாவில் சிறப்பு அழைப்பாளர்களாக யாழ்ப்பாணத்தில் உள்ள இந்திய துணைத் தூதரகம் ராகேஷ் நட்ராஜ் மற்றும் துணைத் தூதரக அதிகாரிகள் கலந்து கொண்டனர்.
ஆண்டுதோறும் நடைபெறும் திருவிழாவில் ஒவ்வொரு ஆண்டும் இந்திய யாத்ரீகர்கள் ஆர்வமுடன் பங்கேற்பார்கள்.
கடந்த இரண்டு ஆண்டுகளில் கோவிட்-19 விழாவை பாதித்தது. இந்த விழா இந்தியாவிற்கும் இலங்கைக்கும் இடையே உள்ள மக்களுக்கு வலுவான உறவுகளை அடிக்கோடிட்டுக் காட்டுகிறது,
அதே நேரத்தில் கடல் அண்டை நாடுகளின் மீனவர் சமூகங்களுக்கு இடையே நெருங்கிய தொடர்புக்கு வழி வகுக்கிறது.
கொக்குவில், Muscat, Oman, தாவடி, கொழும்பு, Melbourne, Australia
12 Sep, 2025
சரசாலை வடக்கு, சுவிஸ், Switzerland, England, United Kingdom
14 Sep, 2020
