லங்காசிறி FM
இலங்கை போக்குவரத்தில் புதிய அத்தியாயம்; passenger drone சேவை
இலங்கை போக்குவரத்தில் புதிய அத்தியாயமாக passenger drone சேவை ஆரம்பிக்கப்படவுள்ளது. இலங்கையில் பயணிகள் போக்குவரத்து ட்ரோன் சேவையை ஆரம்பிப்பதற்கான உத்தியோபூர்வ சோதனை முன்னெடுப்பு இன்று (11) கொழும்பு துறைமுக நகர வளாகத்தில் நடத்தப்பட்டது.
இதற்காக, சீன நிறுவனமான EHang தயாரித்த eVTOL வகை பயணிகள் ட்ரோன் பயன்படுத்தப்பட்டன. சாதாரண விமானங்களைப் போல ஓடுபாதையின்றி, இந்த ட்ரோன் செங்குத்தாகப் புறப்பட்டு தரையிறங்கும் திறன் கொண்டது.
இலங்கை போக்குவரத்தில் புதிய அத்தியாயம்
இந்தத் திட்டம் ஆரம்பத்தில் ஒரு வணிகச் சேவையாக அல்லாமல், ஒரு சோதனைத் திட்டமாகவே செயல்படுத்தத் திட்டமிடப்பட்டுள்ளது. மேலும், கொழும்பு துறைமுக நகரத்தைச் சுற்றி சுமார் ஆறு மாதங்களுக்கு சோதனைகள் நடத்தப்பட உள்ளன.
இதற்காக, இரண்டு பயணிகளை ஏற்றிச் செல்லக்கூடிய E216 வகை ட்ரோனும் நாட்டிற்குக் கொண்டுவரப்பட்டுள்ளது. 16 சுழலிகள், 12 மின்கலத் தொகுப்புகள் மற்றும் மூன்று விமானக் கட்டுப்பாட்டு அமைப்புகளைக் கொண்ட இந்த ட்ரோன் ஒரு கணினி அமைப்பு மூலம் கட்டுப்படுத்தப்படுகிறது.
அனர்த்தம் அல்லது தகவல் தொடர்பு துண்டிக்கப்பட்டால், தானாகவே பாதுகாப்பு நடவடிக்கைகளை மேற்கொள்ளும் திறனையும் இது கொண்டுள்ளது.
இந்தத் திட்டத்திற்கு, சிவில் விமானப் போக்குவரத்து அதிகார சபை, பாதுகாப்பு அமைச்சு மற்றும் விமானப்படை உள்ளிட்ட பல நிறுவனங்கள் ஒத்துழைப்பு வழங்கியுள்ள்ன.
எதிர்காலத்தில் இந்தச் சேவை வணிக அளவில் செயல்படுத்தப்பட்டால், சிகிரியா, பிதுரங்கல மற்றும் தீவுகளில் உள்ள சுற்றுலாத் தலங்களுக்கு சுற்றுலாப் பயணிகளை ட்ரோன் மூலம் கொண்டு செல்வதற்கான புதிய வாய்ப்புகளையும் இது உருவாக்கும் என்று எதிர்பார்க்கப்படுகிறது.
அல்லைப்பிட்டி, பிரான்ஸ், France
12 Nov, 2011
அனலைதீவு, நீர்கொழும்பு, யாழ்ப்பாணம், கிளிநொச்சி, Mississauga, Canada
07 Nov, 2026
புங்குடுதீவு, கொழும்பு, Sanaa, Yemen, சென்னை, India, Toronto, Canada, Sacramento, United States
07 Nov, 2026
பருத்தித்துறை, London, United Kingdom
19 Oct, 2025
