எரிபொருள் விலை அதிகரித்தாலும் பாடசாலை போக்குவரத்து கட்டணங்கள் மாறாது!

Fuel Price In Sri Lanka Transport Fares In Sri Lanka School Children

By Sulokshi Nov 02, 2026 05:04 AM GMT

Sulokshi

Report

டீசல் விலை அதிகரித்துள்ள போதிலும், தற்போதைய சூழ்நிலையில் பாடசாலை மாணவர்களுக்கான போக்குவரத்து கட்டணங்களை அதிகரிக்கப் போவதில்லை என அகில இலங்கை பாடசாலை மாணவர் போக்குவரத்து சேவை தொழில்முனைவோர் சங்கத்தின் தலைவர் மல்ஷ்ரீ டி சில்வா தெரிவித்துள்ளார்.

எரிபொருள் விலை அதிகரிப்பினால் பாடசாலை போக்குவரத்துச் சேவைகளைத் தொடர்ந்து முன்னெடுத்துச் செல்வதில் சிரமங்கள் ஏற்பட்டுள்ளதாக அவர் சுட்டிக்காட்டியுள்ளார்.

எரிபொருள் விலை அதிகரித்தாலும் பாடசாலை போக்குவரத்து கட்டணங்கள் மாறாது! | School Transport Fares Will Not Change Fuel Price

போக்குவரத்து கட்டணங்கள் மாறாது

எனினும், பெற்றோருக்கு மேலும் பொருளாதாரச் சுமையை ஏற்படுத்தும் நோக்கம் தமக்கு இல்லை என்றும் அவர் குறிப்பிட்டுள்ளார்.

அதேவேளை, டீசல் விலையைக் குறைக்க முடிந்தால், அதன் மூலம் கிடைக்கும் நிவாரணத்தைப் பாடசாலை மாணவர்களின் பெற்றோருக்கும் வழங்க முடியும் என அவர் தெரிவித்துள்ளார்.

“டீசல் விலை அதிகரித்தாலும் பாடசாலை போக்குவரத்துக் கட்டணங்களை அதிகரிப்பதற்கு நாம் எதிர்பார்க்கவில்லை.

முடிந்தால் டீசல் விலையை ஏதேனும் தொகையினால் குறைத்துத் தாருங்கள். அவ்வாறு செய்தால் கிடைக்கும் நிவாரணத்தைப் பெற்றோருக்கு வழங்க எம்மால் முடியும்” எனவும் அவர் மேலும் தெரிவித்துள்ளார்.

அதேவேளை எரிபொருள் விலை அதிகரிக்கப்பட்ட போதிலும் பஸ் கட்டணத்தில் எந்தவொரு மாற்றமும் மேற்கொள்ளப்பட மாட்டாது என இலங்கை தனியார் பஸ் உரிமையாளர்கள் சங்கம் தெரிவித்துள்ளது.

எரிபொருள் விலை உயர்வு பஸ் கட்டண திருத்தம் மேற்கொள்ளப்பட வேண்டிய விலை சூத்திரத்தின்படி 4% சதவீதத்தை எட்டவில்லை என்பதால் கட்டண திருத்தத்தை மேற்கொள்ள முடியாது என அச்சங்கத்தின் தலைவர் கெமுனு விஜேரத்ன தெரிவித்தார்.