லங்காசிறி FM
அரச நிறுவனங்கள் தொடர்பில் ஜனாதிபதி வெளியிட்ட முக்கிய அறிவிப்பு!
Sundaresan
இந்த வருடத்தின் இறுதி காலாண்டில் பல அரச நிறுவனங்களுக்கு ஏற்பட்ட மொத்த நஷ்டம் சுமார் 4,000 பில்லியன் ரூபா என ஜனாதிபதி ரணில் விக்ரமசிங்க தெரிவித்துள்ளார்.
இன்று நாடாளுமன்றத்தில் விசேட அறிக்கையொன்றை விடுத்த ஜனாதிபதி, நாடு வீழ்ச்சியடைந்துள்ள பொருளாதார நெருக்கடியிலிருந்து மீள்வதற்கு பல தீவிரமான பொருளாதாரக் கொள்கைகளை நடைமுறைப்படுத்த வேண்டுமென குறிப்பிட்டார்.
ஜனாதிபதி மேலும் கருத்து தெரிவிக்கையில், இடைக்கால வரவுசெலவுத் திட்டத்தில் குறிப்பிடப்பட்டுள்ளபடி, நாம் பல தீவிரமான பொருளாதார சீர்திருத்தங்களை மேற்கொள்ள வேண்டும்.
அதன் கீழ், நாட்டுக்கு சுமையாக மாறியுள்ள அரச நிறுவனங்களை மறுசீரமைக்கும் பணியை நாம் தற்போது ஆரம்பித்துள்ளோம். பல தசாப்தங்களாக இந்த நிறுவனங்களின் இழப்பு, அரச வளங்கள் என்ற போர்வையில் பொதுமக்களால் நேரடியாகவும் மறைமுகமாகவும் சுமக்கப்பட்டது.
இலங்கை பெற்றோலியக் கூட்டுத்தாபனம், இலங்கை மின்சார வாரியம், ஸ்ரீலங்கன் ஏர்லைன்ஸ் ஆகிய நிறுவனங்களால் இந்த ஆண்டு இறுதிக்குள் சுமார் 4,000 பில்லியன் ரூபா இழப்பு ஏற்பட்டுள்ளது.
இந்த சுமையை இனி மக்கள் மீது சுமத்த முடியாது. எனவே, நாங்கள் இந்த நிறுவனங்களை மறுசீரமைத்து, அவை நாட்டிற்கு சுமையாக இல்லாத சூழ்நிலைக்கு கொண்டுவர முயற்சி செய்ய வேண்டும் என ஜனாதிபதி ரணில் தெரிவித்துள்ளார்.
Kuala Lumpur, Malaysia, தொல்புரம், Gunzenhausen, Germany
24 Sep, 2025
மாவிட்டபுரம், யாழ். அத்தியடி, உரும்பிராய், திருகோணமலை, Milton, Canada
21 Sep, 2025
