கர்ப்ப காலத்தில் பெண்கள் சாப்பிட வேண்டிய மற்றும் தவிர்க்க வேண்டிய உணவுகள்!

கொரோனா வைரஸ் தொற்று இன்னமும் உலகை வேகமாக பரவிக்கொண்டு இருக்கும் இன்றைய சூழ்நிலையில் குழந்தை பெற்றுக் கொள்ள திட்டமிடுபவர்கள், சில முக்கியமான விஷயங்களை கவனத்தில் கொள்ள வேண்டும்.

அனைத்து கொரோனா வழிகாட்டு நெறிமுறைகள் மற்றும் முன்னெச்சரிக்கை நடவடிக்கைகளைப் பின்பற்ற வேண்டும் என்றாலும், ஆரோக்கியமான கர்ப்பத்திற்கு என்ன உணவுகளை உட்கொள்ளலாம், எதை தவிர்க்கலாம் என்பதை அவசியம் தெரிந்துக் கொள்ள வேண்டும்.

கரு வளர்ச்சியின் முதல் நாளிலிருந்தே முக்கியமான சில ஊட்டச்சத்துக்கள் அவசியமானவை. குறிப்பாக மூளை மற்றும் முதுகெலும்பு வளர்ச்சிக்கு தேவையான இவை, கரு வளர்ச்சியின் ஆரம்ப சில நாட்களிலே கிடைக்க வேண்டும், எனவே உங்கள் குழந்தையைத் திட்டமிடத் தொடங்கும் போது உங்கள் உணவைத் திட்டமிடுவது முக்கியம்.

இதேவேளை, உங்கள் குழந்தையின் வளர்ச்சிக்கு அனைத்து ஊட்டச்சத்துக்களும் முக்கியமானவை என்றாலும், குழந்தையின் வளர்ச்சியில் இரும்பு, கால்சியம், வைட்டமின் டி, அயோடின் போன்றவை முக்கிய பங்கு வகிக்கின்றன.

மேலும், நுரையீரலில் இருந்து உடலின் மற்ற பகுதிகளுக்கு ஆக்ஸிஜனைக் கொண்டு செல்லும் ஹீமோகுளோபின் என்ற புரதத்தை உருவாக்க இரும்புச்சத்து அவசியம். அதிலும், கர்ப்ப காலத்தில், குழந்தைக்கு ஆக்ஸிஜனை எடுத்துச் செல்ல அதிக ரத்தத்தை உருவாக்க இருமடங்கு இரும்புச்சத்து தேவை. குழந்தையும் ரத்தத்தை உருவாக்க இரும்புச்சத்து அதிகமாக தேவைப்படுகிறது.

இரும்புச்சத்து அதிகம் உள்ள உணவுகள் : ஈரல், மீன் போன்ற உணவுகளில் இரும்புச்சத்து அதிகம் உள்ளதால் அதனை அதிகம் உட்கொள்ளுங்கள். பருப்பு, சோயாபீன்ஸ், பட்டாணி, பூசணி, எள், ஆளி விதைகள், பச்சை காய்கறிகள், தக்காளி, உருளைக்கிழங்கு, காளான்கள் என இரும்புச் சத்து நிறைந்த உணவுகளை சாப்பிடவும். சாலடுகளில் எலுமிச்சை சாற்றை பிழிவது சைவ உணவுகளில் இரும்புச்சத்தை மேம்படுத்த உதவுகிறது.

கால்சியத்தின் பயன்: குழந்தையின் எலும்புகள், பற்கள், இதயம், தசைகள் மற்றும் நரம்புகளின் வளர்ச்சிக்கு கால்சியம் உதவுகிறது. எனவே, உங்கள் உணவில் போதுமான கால்சியம் இருப்பது அவசியம். பால், மீன் மற்றும் பால் பொருட்கள் சிறந்த ஆதாரங்கள் மற்றும் ஒவ்வொரு நாளும் உங்கள் உணவில் சேர்க்கப்படலாம். கனிம பாலில் இருந்து அதிகப்படியான ஹார்மோன்கள் வருவதைத் தவிர்க்க, ஆர்கானிக் பால் மற்றும் அதன் தயாரிப்புகளை முடிந்தவரை பயன்படுத்த முயற்சிக்கவும். 

மேலும், கால்சியத்தை உறிஞ்சுவதற்கு வைட்டமின் டி தேவைப்படுகிறது. உங்கள் நோய் எதிர்ப்பு மண்டலத்தை பராமரிக்க வைட்டமின் டி முக்கியமானது. வைட்டமின் டி கொண்ட காளான்களை உணவில் சேர்த்துக் கொள்வதுடன் சூரிய ஒளியில் சிறிது நேரம் இருப்பதை வழக்கமாக்கிக் கொள்ளவும்.  

அயோடின் பயன்: அயோடின் தைராய்டு ஹார்மோன்களை உருவாக்க மிகவும் முக்கியமானது, இது கர்ப்ப காலத்தில் உங்கள் குழந்தையின் நரம்பு மண்டலத்தை உருவாக்க உதவுகிறது. மூளை, முதுகெலும்பு மற்றும் நரம்புகளின் உருவாக்கத்தில் அயோடினின் பங்கு முக்கியமானது. அயோடின் கலந்த உப்பை மட்டுமே பயன்படுத்தவும்.

இதேவேளை, பால் பொருட்கள், மீன், கொட்டைகள் மற்றும் விதைகள், சிட்ரஸ் பழங்கள், காய்கறிகள் மற்றும் பருப்பு வகைகள் போன்றவற்றை தொடர்ந்து உணவில் சேர்த்துக் கொள்ள வேண்டும். உங்கள் சப்ளிமென்ட் பேக்கை கவனமாகப் பார்த்து, மருத்துவரிடம் உங்கள் மல்டிவைட்டமின்கள் குறித்து முடிவெடுக்கவும்.

கர்ப்ப காலத்தில் சாப்பிட கூடாத உணவுகள்:  கர்ப்ப இருக்கும் போது தவிர்க்க வேண்டிய உணவுகள் மற்றும் பழக்கங்கள் தொடர்பான பட்டியல் இது. இதை பின்பற்றினால், கர்ப்பகாலத்தை மகிழ்ச்சியாக கழிக்கலாம். டிரான்ஸ் கொழுப்புகளைத் தவிர்க்கவும். இவை அழற்சியை ஏற்படுத்துகின்றன. எனவே வனஸ்பதி, டால்டா வெண்ணெய் போன்ற உறையும் எண்ணை வகைகளை பயன்படுத்தவேண்டாம். அதேபோல, தாவர எண்ணெய்களுக்குப் பதிலாக, விதைகளில் இருந்து தயாரிக்கப்படும் எண்ணெய்களைப் பயன்படுத்தவும்.

பதப்படுத்தப்பட்ட உணவுகளைத் தவிர்க்கவும்: அவற்றில் அதிகப்படியான, உப்பு, சர்க்கரை, செயற்கை நிறம் மற்றும் கொழுப்புகள் உள்ளன. இவை கர்ப்பமான பெண்களுக்கு பாதிப்பு ஏற்படுத்துபவை. எனவே இவற்றை தவிர்க்க வேண்டும்.

கர்ப்பிணிகள் மதுபானம் மற்றும் புகைபிடிக்கும் பழக்கத்தை கண்டிப்பாக தவிர்க்க வேண்டும். கர்ப்பமாக இருக்க திட்டமிடுகிறீர்களா? சாப்பிட மற்றும் தவிர்க்க வேண்டிய உணவுகளையும் தெரிந்துக் கொள்ளவும். கொட்டைகள் மற்றும் விதைகள், சிட்ரஸ் பழங்கள் மற்றும் காய்கறிகள் மற்றும் பருப்பு வகைகள், மீன் ஆகியவை முக்கியமான உணவுகள், நீங்கள் கர்ப்பத்தைத் திட்டமிடுகிறீர்களானால் வாரத்திற்கு பல முறை சேர்க்கப்பட வேண்டும்.