மின் விநியோகம் வழமைக்கு திரும்பும் நேரம் தொடர்பில் வெளியான அறிவிப்பு

Sri Lanka Sri Lankan Peoples Power Cut Today

By Vironika Oct 17, 2026 10:40 AM GMT

Vironika

Report

நாடு முழுவதும் இன்று (17) காலை ஏற்பட்ட திடீர் மின் தடை, இன்று மாலைக்குள் முழுமையாக சீரமைக்கப்பட்டு மின் விநியோகம் இயல்பு நிலைக்குக் கொண்டுவரப்படும் என தேசிய மின் கட்டமைப்பு செயற்பாட்டாளர் நிறுவனம் தெரிவித்துள்ளது.

இன்று மாலை 6.30 அளவில் முழுமையான மின் விநியோகக் கட்டமைப்பையும் மீள இயல்பு நிலைக்குக் கொண்டுவர முடியும் என அந்த நிறுவனம் நம்பிக்கை வெளியிட்டுள்ளது.

மின் விநியோகம் வழமைக்கு திரும்பும் நேரம் தொடர்பில் வெளியான அறிவிப்பு | Power Supply Restored In Some Areas

திடீர் மின் தடை

அதன்படி கொழும்பு, கம்பஹா, காலி மற்றும் பதுளை ஆகிய மாவட்டங்களின் பல பகுதிகளில் தற்போது மின் விநியோகம் சீரமைக்கப்பட்டுள்ளதாக தெரிவிக்கப்பட்டுள்ளது.

மின் கடத்தல் கட்டமைப்பில் ஏற்பட்ட திடீர் தொழில்நுட்பக் கோளாறு காரணமாகவே இன்று (17) முற்பகல் 11.45 அளவில் இந்தத் திடீர் மின் தடை ஏற்பட்டமை குறிப்பிடத்தக்கது.

சில மின் உற்பத்தி நிலையங்கள் செயலிழந்துள்ளதாகப் பரவும் தகவல்களில் எந்தவித உண்மையும் இல்லை எனவும், நிலவும் சூழ்நிலையைக் கருத்திற்கொண்டு அனல் மின் நிலையம் மாத்திரம் உரிய முறையின்படி தற்காலிகமாகச் செயற்பாடுகளிலிருந்து நிறுத்தப்பட்டுள்ளதாகவும் அந்த நிறுவனம் தெளிவுபடுத்தியுள்ளது.