லங்காசிறி FM
'போடி லாசி'யை அழைத்துவர இந்தியா சென்ற CID அதிகாரிகள்
Sulokshi
இந்தியாவில் கைது செய்யப்பட்ட பாதாள உலகக் குழுவைச் சேர்ந்த 'போடி லாசி'யை மீண்டும் அழைத்து வருவதற்காக குற்றப் புலனாய்வுத் துறை (CID) அதிகாரிகள் இலங்கையிலிருந்து புறப்பட்டுச் சென்றுள்ளதாக இலங்கை பொலிஸ் ஊடக அறிக்கைகள் தெரிவிக்கின்றன.
பாதாள உலகக் கும்பலைச் சேர்ந்தவராகவும் போதைப்பொருள் கடத்தல்காரராகவும் அடையாளம் காணப்பட்ட 'போடி லாசி', கடந்த ஆண்டு ஜனவரி 16 ஆம் திகதி இந்தியாவின் மும்பையில் கைது செய்யப்பட்டார்.
மும்பையில் கைது
கைது தொடர்பாக இன்டர்போல் இலங்கை பாதுகாப்பு அதிகாரிகளுக்கு அதிகாரப்பூர்வமாகத் தெரிவித்ததாக காவல்துறை வட்டாரங்கள் தெரிவித்தன.
டிசம்பர் 09, 2025 அன்று, "போடி லாசி" பலபிட்டி மாஜிஸ்திரேட் நீதிமன்றத்தால் கடுமையான நிபந்தனைகளின் கீழ் ஜாமீனில் விடுவிக்கப்பட்டார்.
எனினும் , "போடி லாசி" அவருக்கு விதிக்கப்பட்ட ஜாமீன் நிபந்தனைகளை மீறி நாட்டை விட்டு தப்பிச் சென்றதாகவும், போடி லாசி' இந்தியாவில் பதுங்கியிருப்பதாகவும் இலங்கை காவல்துறை கண்டறிந்தது.
அதன்பிறகு, பொறுப்பு ஐஜிபி நேரடியாக இந்திய காவல்துறையினருடன் தகவல்களைப் பகிர்ந்து கொண்டதை அடுத்து போடி லாசி' கைது செய்யப்பட்டதுடன் அவரை விரைவாக நாடு கடத்துவதற்கான நடவடிக்கைகள் எடுக்கப்பட்டதாக குறிப்பிடப்பட்டுள்ளது.
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
