லங்காசிறி FM
உடல் எடை அதிகம் உள்ளவர்கள் இரவு உணவை தவிர்க்கலாமா!
Yadu
பலர் எடை அதிகரிப்பு பிரச்சனையால் சிரமப்படுகிறார்கள். இந்த பிரச்சனையிலிருந்து விடுபட மக்கள் புதிய முறைகளை கையாள்கிறார்கள்.
சிலர் ஜிம் சென்று பல வித உடற்பயிற்சிகளை செய்கிறார்கள். சிலர் உணவு கட்டுப்பாட்டை மேற்கொள்கிறார்கள். சிலர் உணவை முழுவதுமாக விட்டுவிடுகிறார்கள்.
உடல் எடை
ஒரு நாளைக்கு ஒரு முறை மட்டும் சாப்பிட்டால் உடல் எடை குறையும் என்று பலர் நினைக்கிறார்கள்.இந்தத் தவறான எண்ணத்தால் இரவு உணவைத் தவிர்த்து விடுகிறார்கள்.
குறைவான உணவை உட்கொள்வதால் உடல் எடை குறையும் என்ற நம்பிக்கை மக்களிடையே உள்ளது. ஆனால் இந்த எண்ணம் முற்றிலும் தவறானது என்பது குறிப்பிடத்தக்கது.
உணவைத் தவிர்ப்பது எடையைக் குறைப்பதற்குப் பதிலாக அதிகரிக்கும். இரவு உணவு உடலுக்கு மிகவும் முக்கியமானது.
இது உடலுக்கு தேவையான ஊட்டச்சத்துக்களை வழங்கி நோய் எதிர்ப்பு சக்தியை பலப்படுத்துகிறது.
எனினும் இரவு உணவின் அளவு குறைவாக இருக்க வேண்டும் என்பதும் உண்மை.
இரவு உணவைத் தவிர்ப்பதால் உடலில் என்னென்ன பாதிப்புகள் ஏற்படும்
மலச்சிக்கல், வயிற்றுப்போக்கு பிரச்சனை
இரவு உணவைத் தவிர்ப்பதால் மலச்சிக்கல், வயிற்றுப்போக்கு போன்ற வயிற்றுப் பிரச்சனைகள் ஏற்படும்.
இரவு உணவைத் தவிர்ப்பது உணவு வழக்கத்தை கெடுத்துவிடும் இது செரிமான அமைப்பையும் பாதிக்கிறது.
பலவீனம் தொடங்குகிறது
நீங்கள் இரவு உணவை உட்கொள்ளாமல் இருந்தால், அத்தியாவசிய ஊட்டச்சத்துக்கள் உடலை சென்றடையாது.
இதனால் உங்கள் உடல் பலவீனமடைகிறது. பலவீனத்தால் எளிதில் சோர்வடைய வாய்ப்பு உண்டு.
தூக்க சுழற்சி பாதிக்கப்படுகிறது
இரவு நேரத்தில் வெறும் வயிற்றில் தூங்குவதால் தூக்கச் சுழற்சியும் பாதிக்கப்படுகிறது. இதனால் இரவில் தூக்கம் வராமல் உடலின் நோய் எதிர்ப்பு சக்தி மற்றும் வளர்சிதை மாற்றத்தையும் பாதிக்கிறது. இதனால், எப்போதும் எரிச்சலான மனநிலை இருக்கும்.
உடலின் இரத்த சர்க்கரை அளவு மீது தாக்கம் ஏற்படும்
நேரத்துக்குச் சாப்பிடாமலோ, இரவில் சாப்பிடாமலோ இருந்தால், அதன் விளைவு உடலின் ரத்தச் சர்க்கரையின் அளவைப் பாதிக்கிறது. சர்க்கரை நோய் அல்லது ரத்த அழுத்த பிரச்சனையால் பாதிக்ப்படுபவர்கள் இரவு உணவை கண்டிப்பாக தவிர்க்கக்கூடாது.
எடை குறைவதற்கு பதிலாக அதிகரிக்கலாம்
ஒரு நாளில் நாம் உட்கொள்ளும் உணவும் அதை உட்கொள்ளும் நேரமும் மிகவும் முக்கியமானது. காலை உணவு கனமாகவும், மதிய உணவு சிறிது இலகுவாகவும், இரவு உணவு மிகவும் இலகுவாகவும் இருக்க வேண்டும்.
ஆனால் இரவு உணவைத் தவிர்க்க வேண்டும் என்று அர்த்தம் கொள்ளக்கூடாது.
நீண்ட நேரம் பசியுடன் இருந்து இரவு உணவைத் தவிர்த்தால் அதுவும் எடை அதிகரிக்க வழிவகுக்கும்.
யாழ்ப்பாணம், Edinburgh, Scotland, United Kingdom, London, United Kingdom
07 May, 2025
அனலைதீவு 7ம் வட்டாரம், Toronto, Canada, Michigan, United States, Altena, Germany
10 May, 2025
புங்குடுதீவு 8ம் வட்டாரம், கொழும்பு, முல்லைத்தீவு, Den Helder, Netherlands
10 May, 2020
கரணவாய் மேற்கு, Urtenen-Schönbühl, Switzerland, பேர்ண், Switzerland
08 May, 2025
