லங்காசிறி FM
பண்டிகைக் காலங்களில் இதன் ஊடாக இடம்பெறும் மோசடிகள்... மக்களே அவதானம்!
இலங்கையில் பண்டிகைக் காலங்களில் இணையம் ஊடாக பண மோசடிச் சம்பவங்கள் அதிகரித்துள்ளதாக கணினி அவசர செயற்பாட்டுப் பிரிவு தெரிவித்துள்ளது.
இந்த தகவலை இலங்கை கணினி அவசர செயற்பாட்டுப் பிரிவின் பிரதம தகவல் பாதுகாப்பு அதிகாரி நிரோஷ் ஆனந்த வெளியிட்டுள்ளார்.
இதன்படி, சில பரிசுகளை வென்றதாக கூறி வாடிக்கையாளர்களுக்கு தொலைபேசி அழைப்பு மூலம் பண மோசடி செய்ததாக முறைப்பாடுகள் கிடைத்துள்ளதாக அவர் மேலும் தெரிவித்துள்ளார்.
இதேவேளை, ஏ ஐ (AI) தொழில்நுட்பத்தைப் பயன்படுத்தி சில மோசடிகள் இடம்பெறுவதாக முறைப்பாடுகள் பதிவாகியிருப்பதாகவும் அவர் குறிப்பிட்டுள்ளார்.
இவ்வாறான தொலைப்பேசி அழைப்புகள் மற்றும் சம்பவங்களில் இருந்து தம்மை பாதுகாத்துக்கொள்வதற்கு பொதுமக்கள் விசேட அவதானம் செலுத்த வேண்டும் என அதிகாரி நிரோஷ் ஆனந்த மேலும் தெரிவித்துள்ளார்.
புங்குடுதீவு 10ம் வட்டாரம், கிளிநொச்சி, Lützelflüh, Switzerland
21 May, 2026
