லங்காசிறி FM
மட்டக்களப்பில் இலஞ்சம் வாங்கும் போது கையும் மெய்யுமாக சிக்கிய அதிகாரிகள்!
Shankar
மட்டக்களப்பு பகுதியில் மண் ஏற்றிவந்த லொறி சாரதியிடம் இலஞ்சம் பெற்ற பொலிஸ் சார்ஜன்ட் மற்றும் பொலிஸ் அதிகாரி ஆகியோர் இலஞ்ச ஒழிப்பு ஆணைக்குழு அதிகாரிகளால் கைது செய்யப்பட்டுள்ளனர்.
குறித்த அதிகாரிகளை நேற்று (25-09-2024) மாலை மட்டக்களப்பு கொக்கட்டிச்சோலை பொலிஸ் பிரிவில் கைது செய்யப்பட்டதாக மட்டக்களப்பு தலைமையக பொலிஸார் தெரிவித்தனர்.
சம்பவம் தொடர்பில் மேலும் தெரியவருவதாவது,
நேற்று மாலை கொக்கட்டிச்சோலை பொலிஸ் பிரிவில் மணல் ஏற்றிவந்த டிப்பர் வாகனத்தை நிறுத்தி பரிசோதித்த விசேட பொலிஸ் பிரிவினருடன் இணைக்கப்பட்டிருந்த பொலிஸ் சார்ஜன்ட் மற்றும் பொலிஸ் அதிகாரி ஆகியோரே இவ்வாறு கைது செய்யப்பட்டவர்களாவர்.
கொழும்பில் இருந்து வருகை தந்த இலஞ்ச ஒழிப்பு ஆணைக்குழு விசேட அதிகாரிகளே 2000 ரூபாய் இலஞ்சம் வாங்கிய போது கையும் மெய்யுமாக கைது செய்யப்பட்டுள்ளனர்.
கைது செய்யப்பட்ட அதிகாரிகள் மட்டக்களப்பு நீதிவான் நீதிமன்றத்தில் ஆஜர்படுத்தப்படவுள்ளனர்.
ஊர்காவற்றுறை, Biel/Bienne, Switzerland, கொழும்பு, யாழ்ப்பாணம், வேலணை
17 Mar, 2025
