லங்காசிறி FM
இலக்கத்தகடு முறைகேடு ; கடுமையான சர்ச்சையை ஏற்படுத்திய விலைமனுகோரல்
அரசாங்கத்தின் பல பில்லியன் ரூபாய் மதிப்பிலான வாகன இலக்க தகடுகள் வழங்கும் விலைமனுகோரல் கடுமையான சர்ச்சையை ஏற்படுத்தியுள்ளது.
குறைந்த விலை கோரிய இரண்டு நிறுவனங்கள் தொழில்நுட்ப காரணங்களால் தகுதி நீக்கம் செய்யப்பட்டமை தொடர்ந்து, அதிக விலை கூறிய நிறுவனத்திற்கே ஒப்பந்தம் வழங்கப்படும் சூழ்நிலை உருவாகியுள்ளது. இதனால் அரசாங்கத்திற்கு ரூ. 500 மில்லியனுக்கும் மேற்பட்ட நிதி இழப்பு ஏற்படும் அபாயம் ஏற்பட்டுள்ளது.
தற்போது நாட்டில் 2 இலட்சத்துக்கும் மேற்பட்ட வாகனங்கள் இலக்கத்தகடுகள் இன்றி இயங்குவதாக தெரிவிக்கப்படுகின்றன. இது பாதுகாப்பு அச்சத்தையும் உருவாக்கியுள்ளது.
இந்த விலைமனுகோரலுக்கான குறைந்த விலை Access International (Pvt) Ltd மற்றும் இரண்டாவது குறைந்த விலை Metropolitan Technologies (Pvt) Ltd ஆகியவை தகுதி நீக்கம் செய்யப்பட்டுள்ளன.
மொரட்டுவ பல்கலைக்கழகத்தின் பரிசோதனை அறிக்கையின் அடிப்படையில் இந்த தகுதி நீக்கம் மேற்கொள்ளப்பட்டதாக கூறப்படுகிறது.
Access International வழங்கிய அலுமினிய மாதிரி தேவையான 6% இடைவேளையில் நீட்சி (elongation at break) அளவை பூர்த்தி செய்யவில்லை என சுட்டிக்காட்டப்பட்டுள்ளது. ஆனால் இந்த பரிசோதனை முறைமையும் முடிவுகளும் கடுமையாக விமர்சிக்கப்படுகின்றன.
இந்நிலையில், 2009 முதல் இலங்கைக்கு இலக்கத்தகடுகள் வழங்கி வரும் இந்திய Aditya Birla குழுமம் தான் அலுமினியத்தை வழங்குவதாகும். எனவே தங்களைத் தகுதி நீக்கம் செய்தது ஆச்சரியமாக உள்ளது எனவும் Access International நிறுவனம் தெரிவித்துள்ளது.
தற்போது ஒரே தகுதி பெற்ற நிறுவனம் இவர்களின் Rs. 2.59 பில்லியன் மதிப்பிலான சலுகை, குறைந்த விலை கூறிய நிறுவனத்தை விட ரூ. 516 மில்லியனும் அதிகமாகும்.
வாகன இறக்குமதி கட்டுப்பாடுகள் நீக்கப்பட்டுள்ளதால், ஒப்பந்த காலத்தில் இந்த இழப்பு ரூ. 1 பில்லியனுக்கும் அருகில் அதிகரிக்கக்கூடும் என வல்லுநர்கள் எச்சரிக்கின்றனர்.
அனைத்து நிறுவனங்களும் தங்களின் ஏலபத்திரங்களை (bid bond) மூன்று மாதங்கள் நீட்டிக்குமாறு அறிவுறுத்தப்பட்டுள்ளதால், பிரச்சினை மேலும் தாமதமடையும் நிலை உருவாகியுள்ளது.
இதனால் நூற்றுக்கணக்கான வாகன உரிமையாளர்களுக்கு பிரச்சினை ஏற்பட்டுள்ளதுடன், இந்த முக்கிய அரசாங்க விலைமனுகோரலின் வெளிப்படைத்தன்மை மீதும் சந்தேகம் எழுந்துள்ளதாகவும் தெரிவிக்கப்படுகின்றது.
உசன், Jaffna, Ibadan, Nigeria, Riyadh, Saudi Arabia, London, United Kingdom
05 Sep, 2026
சரசாலை வடக்கு, சுவிஸ், Switzerland, England, United Kingdom
14 Sep, 2020
நெடுந்தீவு, யாழ்ப்பாணம், சிங்கப்பூர், Singapore, நியூஸ்லாந்து, New Zealand
13 Sep, 2021
நயினாதீவு 3ம் வட்டாரம், பருத்தித்துறை, அல்வாய் வடக்கு, சூரிச், Switzerland
10 Sep, 2021
Ipoh, Malaysia, கொக்குவில், கோயம்புத்தூர், India, New Jersey, United States
09 Sep, 2025
