லங்காசிறி FM
இரவில் பல் துலக்குவது அவசியமா! நிபுணர்கள் கூறுவது என்ன?
Yadu
பல் துலக்குதல் என்பது நம்முடைய உடல் ஆரோக்கியத்தையும் பல் சுகாதாரத்தையும் பராமரிக்க உதவும் முக்கியமான ஒன்றாகும்.
பற்களை நன்றாக துலக்கினால் தான் கிருமிகள் எதுவும் நமது வயிற்றுக்குள் சென்று உடல்நல பாதிப்பை ஏற்படுத்தாமல் இருக்கும்.
பற்களை சுத்தம் செய்தல்
எப்போது பல் துலக்க வேண்டும்?
சிலர் காலையில் காபி குடித்துவிட்டு உணவை சாப்பிட்டுவிட்டு நேரடியாக சென்று பல் துலக்குவார்கள்.
இது தவறானது என்று கருதப்படுகிறது ஏனெனில் நீங்கள் சாப்பிட்ட பிறகு 30 நிமிடங்கள் முதல் ஒரு மணி நேரம் வரையிலும் வாய் அமில நிலையில் இருக்கும்.
இந்த சமயத்தில் பல் துலக்கினால் பல் எனாமலில் உள்ள அமிலம் வெளியேறிவிடும் என்று கூறப்படுகிறது.
காலை நேரத்தில் பல் துலக்கல்
காலை நேரத்தில் பல் துலக்கினால் இரவு முழுவதும் வாயில் உமிழ்நீரில் வளர்ந்து வரும் கெட்ட பாக்டீரியாக்கள் அழிந்துவிடும்.
பல் துலக்கிய 30 நிமிடங்களுக்கு பிறகு அதற்கு மேல் உணவு சாப்பிடவோ அல்லது காபியை குடிக்கவோ செய்யலாம்.
படுக்கைக்குச் செல்லும் போது பல் துலக்க வேண்டும்
உணவுக்குப் பிறகு உடனடியாக பல் துலக்குவது தவறான ஒன்று என்றும் நிபுணர்கள் அறிவுறுத்துகின்றனர். இது பற்களின் எனாமலை மென்மையாக்கி கூடிய விரைவில் அதனை சிதைத்து விடுகின்றது.
உணவை உட்கொண்ட பிறகு குறைந்தது அரை மணி நேரம் வரை காத்திருந்து அதன் பின்னர் பல் துலக்க வேண்டும் என்று கூறபடுகின்றது.
இரவு உணவிற்குப் பிறகு படுக்கைக்கு செல்லும்போது பற்களை துலக்குவதன் மூலம் ஒரே இரவில் வாயில் நோய்க்கிருமி எண்ணிக்கையை அதிகரிக்கக்கூடிய அனைத்து எச்சங்கள் மற்றும் உணவு குப்பைகள் அகற்றப்படுகிறது.
பல் துலக்கும்போது அதிக அழுத்தம் கொடுத்து பற்களை துலக்கக்கூடாது அப்படி செய்தால் பல் மற்றும் பல் ஈறுகளில் பாதிப்பு ஏற்படும்.
ஒரு நல்ல ஃப்ளூரைடு பற்பசையைக் கொண்டு பல் துலக்குவது, ஒரு நாளைக்கு இரண்டு முறை பல் துலக்கும்படி பரிந்துரைக்கப்படுகிறது.
ஒவ்வொரு தடவை உணவு உண்ட பிறகும் வாயை சுத்தமாக கழுவ வேண்டியது அவசியமாகும். அப்படி செய்யும்போது பல் ஈறுகளுக்கு இடையிலுள்ள தேவையற்ற உணவு துகள்கள் அகற்றப்பட்டு விடும். இறுதியாக ஒரு நாளைக்கு இரண்டு முறை பல் துலக்க வேண்டும்.
அதாவது காலையில் ஒரு முறை மற்றும் படுக்கைக்கு முன் ஒரு முறை என செய்ய வேண்டும் என்று நிபுணர்கள் கூறுகின்றனர்.
புங்குடுதீவு 10ம் வட்டாரம், வவுனியா, கிளிநொச்சி, சென்னை, India
18 Sep, 2025
சில்லாலை, கனகராயன்குளம், சென்னை, India, திருச்சி, India
19 Sep, 2018
முள்ளியான், துன்னாலை, வல்வெட்டி, துணுக்காய், கொழும்பு, வவுனியா
20 Sep, 2015
