மற்றுமொரு சட்டவிரோத பீடி இலை தொகையை கைப்பற்றிய கடற்படை

Puttalam Sri Lanka Sri Lanka Navy Excise Department of Sri Lanka

By Sahana Oct 16, 2026 08:43 PM GMT

Sahana

Report

இலங்கை கடற்படையினர், கடலோரக் காவல்படை திணைக்களத்துடன் இணைந்து, புத்தளம் பெரியபாடு கடற்கரைப் பகுதியில் இன்று (16) காலை மேற்கொண்ட விசேட கூட்டு தேடுதல் நடவடிக்கையின் போது, சட்டவிரோதமாக நாட்டிற்குள் கொண்டுவர முயற்சித்த பீடி இலைகள் அடங்கிய தொகையொன்று கைப்பற்றப்பட்டது.

அதன்படி, வடமேற்கு கடற்படை கட்டளையின் கீழ் இயங்கும் இலங்கை கடற்படைக் கப்பலான தம்பபன்னி நிறுவனத்தினால், கடலோரக் காவல்படை திணைக்களத்துடன் இணைந்து மேற்கொள்ளப்பட்ட இந்த விசேட தேடுதல் நடவடிக்கையின்போது, பெரியபாடு கடற்கரைப் பகுதியில் காணப்பட்ட சந்தேகத்திற்கிடமான மூன்று (03) மூட்டைகள் சோதனைக்கு உட்படுத்தப்பட்டன.

மற்றுமொரு சட்டவிரோத பீடி இலை தொகையை கைப்பற்றிய கடற்படை | Navy Seizes Consignment Illegal Tendu Leaves

இதன்போது, சட்டவிரோதமாக நாட்டிற்குள் கொண்டுவரப்பட்டு, கடற்படையினரின் நடவடிக்கைகளைத் தொடர்ந்து கடத்தல்காரர்களால் கைவிடப்பட்டதாகச் சந்தேகிக்கப்படும் சுமார் நூற்று இருபத்தைந்து (125) கிலோ கிராம் பீடி இலைகள் அடங்கிய தொகையொன்று கைப்பற்றப்பட்டது.

மேலும், இந்த நடவடிக்கையின்போது கடற்படையினரால் கைப்பற்றப்பட்ட பீடி இலைகள் அடங்கிய தொகையானது, மேலதிக சட்ட நடவடிக்கைகளுக்காக புத்தளம் மதுவரித் திணைக்கள அலுவலகத்திடம் ஒப்படைக்க நடவடிக்கை எடுக்கப்பட்டது.