லங்காசிறி FM
அரசியலில் புதிய பரபரப்பு ; சரத் பொன்சேகாவின் கருத்தை ஆதரித்த நாமல் ராஜபக்ஷ
Sahana
முன்னாள் ஜனாதிபதி மஹிந்த ராஜபக்ஷ ஒரு கொலைகாரர் அல்ல என்று பீல்ட் மார்ஷல் சரத் பொன்சேகா பகிரங்கமாக தெரிவித்துள்ளமை சாதகமான விடயமாகும் என ஸ்ரீலங்கா பொதுஜன பெரமுனவின் தேசிய அமைப்பாளரும் நாடாளுமன்ற உறுப்பினருமான நாமல் ராஜபக்ஷ தெரிவித்துள்ளார்.
சரத் பொன்சேகாவின் அண்மைக்காலக் கருத்துகள் தொடர்பாக ஊடகவியலாளர்கள் எழுப்பிய கேள்விகளுக்குப் பதிலளிக்கும் போது அவர் இதனை குறிப்பிட்டார்.
இதுகுறித்து மேலும் கருத்து தெரிவித்த நாமல் ராஜபக்ஷ, யுத்தத்தின் இறுதிக்கட்டத்தில் வேலுப்பிள்ளை பிரபாகரனை ஆயுதங்களை கீழே வைத்து சரணடையுமாறு பகிரங்கமாக ஊடகங்கள் வழியாக அழைப்பு விடுத்தவர் மஹிந்த ராஜபக்ஷ தான் என தெரிவித்தார்.
போர்க்கால சூழ்நிலையில் இராணுவத்திடம் சரணடையுமாறு அழைப்பு விடுப்பது வழக்கமான ஒன்றாக இருந்தாலும், யுத்தத்தின் போது வழங்கப்பட்ட உத்தரவுகள் தொடர்பில் சரத் பொன்சேகா வெவ்வேறு காலங்களில் முரண்பட்ட கருத்துகளை வெளியிட்டுள்ளதாகவும் அவர் கூறினார்.
இராணுவ நடவடிக்கைகள் தமிழ் மக்களுக்கு எதிரானவை அல்ல; அவை தமிழீழ விடுதலைப் புலிகளுக்கு எதிரானவையே எனவும் அவர் வலியுறுத்தினார்.
பயங்கரவாதத்தை தோற்கடிக்க ஆயிரக்கணக்கான போர்வீரர்கள் உயிர்தியாகம் செய்துள்ளதாகவும், குறைந்தபட்ச உயிரிழப்புகளுடன் மற்றும் சொத்துச் சேதங்களுடன் நாட்டில் அமைதியை ஏற்படுத்துவதே மஹிந்த ராஜபக்ஷவின் நோக்கமாக இருந்ததாகவும் நாமல் ராஜபக்ஷ தெரிவித்தார்.
சில அரசியல் குழுக்கள் மற்றும் புலம்பெயர் அமைப்புகள் முன்வைத்த குற்றச்சாட்டுகளுக்கு மாறாக, மஹிந்த ராஜபக்ஷ “இரத்தவெறி கொண்ட கொலையாளி” அல்ல என்பதை தெளிவுபடுத்தியதற்காக சரத் பொன்சேகாவுக்கு நன்றி தெரிவிப்பதாகவும் அவர் கூறினார்.
அழிவை ஏற்படுத்திய ஒருவராக அல்லாமல், நாட்டிற்கு சுதந்திரத்தை பெற்றுத் தந்த தலைவராகவே மஹிந்த ராஜபக்ஷ நினைவுகூரப்பட விரும்புகிறார் எனவும் தெரிவித்தார்.
மேலும், யுத்தத்திற்குப் பின்னர் நடைமுறைப்படுத்தப்பட்ட நெடுஞ்சாலைகள், விமான நிலையங்கள் உள்ளிட்ட உட்கட்டமைப்பு அபிவிருத்தித் திட்டங்கள் மஹிந்த ராஜபக்ஷவின் சாதனைகளாகும் என்றும், நாட்டிற்கு அமைதியும் ஸ்திரத்தன்மையும் உறுதி செய்வதே அவரது முதன்மை இலக்காக இருந்தது என்றும் நாமல் ராஜபக்ஷ தெரிவித்தார்.
யாழ்ப்பாணம், கொழும்பு, Kajang, Malaysia, London, United Kingdom, Birmingham, United Kingdom
21 Feb, 2025
நாரந்தனை தெற்கு, Berlin, Germany, Castrop-Rauxel, Germany
17 Feb, 2026
