லங்காசிறி FM
நல்லத்தண்ணியில் 52 வயது நபரால் 15 வயது பாடசாலை மாணவிக்கு நேர்ந்த கொடூரம்!
இரத்தினபுரி - நல்லத்தண்ணி பொலிஸ் பிரிவில் 15 வயதுடைய பாடசாலை மாணவி துஷ்பிரயோகம் செய்த 52 வயதுடைய நபர் கைது செய்யப்பட்டுள்ளார்.
இச்சம்பவம் தொடர்பில் நல்லதண்ணி பொலிஸ் நிலைய பொறுப்பதிகாரி சி.ஜ.வீரசேகர கூறுகையில்,
28 ஆம் திகதி குறித்த மாணவியின் முறைப்பாட்டைத் தொடர்ந்து சந்தேகநபர் கைதுசெய்யப்பட்டு விசாரணையின் பின்னர் ஹட்டன் நீதிமன்றத்தில் நேற்று 29 ஆம் திகதி ஆஜர்படுத்தபட்டபோது 14 நாட்கள் விளக்கமறியலில் வைக்குமாறு ஹட்டன் நீதிமன்ற நீதிபதி உத்தரவிட்டுள்ளார்.
இது தொடர்பில் நல்லதண்ணி பொலிஸ் நிலைய பொறுப்பதிகாரி மேலும் கூறுகையில்,
சந்தேக நபர் நல்லதண்ணி தோட்டத்தில் உள்ளவர் எனவும் அவருக்கு மேலும் ஒரு வீடு லக்சபான தோட்ட முள்ளு காமம் கீழ் பிரிவில் உள்ளது எனவும் அங்கு சென்று வருகையில் பாதிக்கப்பட்ட மாணவியின் தாயாருடன் ஏற்பட்ட தொடர்பினால் இந்த நிகழ்வு ஏற்பட்டது என்றும்,
தாயார் நல்ல தண்ணி நகரில் உள்ள விருந்தினர் விடுதியில் சமையல் செய்யும் பணியில் ஈடுபட்டு வருவதாகவும் இரண்டு பெண் குழந்தைகள் பாடசாலை செல்பவர்கள் என தெரிவித்துள்ளார்.
பாதிக்கப்பட்ட மாணவி டிக்கோயா கிளங்கன் ஆதார வைத்தியசாலையில் அனுமதிக்கபட்டு சிகிச்சை பெற்று வருவதாக பொறுப்பதிகாரி சி.ஜ.வீரசேகர தெரிவித்துள்ளார்.
