லங்காசிறி FM
பீர் பியர்களை அதிகமாக கடிக்கும் கொசுக்கள்; ஆய்வில் வெளி்வந்த தகவல்
Sulokshi
பீர் குடிப்பவர்களை கொசுக்கள் அதிகமாக கடிப்பதாக சமீபத்திய ஆய்வின் மூலம் தெரியவந்துள்ளது.
நெதர்லாந்தில் சமீபத்தில் நடத்தப்பட்ட ஆய்வில் கொசு ஈர்ப்புக்கும் பீர் நுகர்வுக்கும் இடையே நேரடி தொடர்பு இருப்பதை ஆராய்ச்சியாளர்கள் கண்டுபிடித்துள்ளனர்.
பீர் குடித்தவர்கள் - பீர் குடிக்காதவர்கள்
ராட்பவுட் பல்கலைக்கழக நிஜ்மெகனின் விஞ்ஞானி பெலிக்ஸ் ஹோல் தலைமை தாங்கிய ஆய்வில் இதற்கான பதில் கண்டறியப்பட்டுள்ளது. இது bioRxiv என்ற ஆராய்ச்சி தளத்தில் வெளியிடப்பட்டது.
நெதர்லாந்தில் நடந்த லோலேண்ட்ஸ் இசை விழாவின் போது, ஆராய்ச்சியாளர்கள் ஒரு தற்காலிக ஆய்வகத்தை அமைத்து 500 தன்னார்வலர்களை நியமித்தனர்.
பங்கேற்பாளர்கள் தங்கள் உணவு, சுகாதாரம் மற்றும் பழக்கவழக்கங்கள் குறித்த கேள்விகளுக்கு பதிலளித்தனர். பின்னர் அவர்கள் கொசுக்கள் அடங்கிய ஒரு சிறப்பு பெட்டியில் தங்கள் கைகளை வைத்தனர்.
பெட்டியில் சிறிய துளைகள் இருந்தன. இதனால் பூச்சிகள் அவர்களை கடிக்காமல் மனித வாசனையை கண்டறிந்தன. அவர்களின் கையில் எத்தனை கொசுக்கள், எவ்வளவு நேரம் தங்கியிருந்தன என்பது பதிவு செய்யப்பட்டன.
1.35 மடங்கு அதிகமாக கொசுக்களால் ஈர்க்கப்பட்டனர்
இந்த முடிவில் பீர் குடித்தவர்கள், பீர் குடிக்காதவர்களை விட 1.35 மடங்கு அதிகமாக கொசுக்களால் ஈர்க்கப்பட்டனர்.
இரவில் படுக்கையைப் பகிர்ந்து கொள்வது, சன்ஸ்கிரீனை பயன்படுத்தாமல் இருப்பது மற்றும் தொடர்ந்து குளிக்காமல் இருப்பது போன்ற காரணங்களாலும் கொசுக்களால் ஈர்க்கப்பட்டனர்.
பீர் குடிப்பது உடல் நாற்றத்தை மாற்றுகிறது. அவர்கள் பெரும்பாலும் அதிகமாக நடனமாடுகிறார்கள், வியர்க்கிறார்கள், இது கொசுக்களால் தவிர்க்க முடியாத வகையில் அவர்களின் வாசனையை மாற்றுகிறது.
350 அடி (100 மீட்டருக்கு மேல்) தொலைவில் இருந்தும் கொசுக்கள் மனித வாசனையை உணர முடியும் என்றும் ஆய்வில் தெரியவந்துள்ளது.
இளவாலை, Brisbane, Australia, Harrow, United Kingdom
06 Sep, 2025
புங்குடுதீவு 12ம் வட்டாரம், லியோன், France, சுவிஸ், Switzerland, இலங்கை
13 Sep, 2020
Ipoh, Malaysia, கொக்குவில், கோயம்புத்தூர், India, New Jersey, United States
09 Sep, 2025
நயினாதீவு 3ம் வட்டாரம், பருத்தித்துறை, அல்வாய் வடக்கு, சூரிச், Switzerland
10 Sep, 2021
மலேசியா, Malaysia, யாழ்ப்பாணம், Markham, Canada, Brampton, Canada
06 Sep, 2025
