இதய ஆரோக்கியத்தை மேம்படுத்த செய்யக்கூடாத தவறுகள்

 இதய ஆரோக்கியத்தைப் பாதுகாப்பதற்காக நம்முடைய உணவுப் பழக்கம், உடற்பயிற்சி ஆகியவற்றை சரியான புரிதலோடு பின்பற்ற வேண்டும்.

நாமாகவே சில அனுமானங்களை வைத்துக் கொண்டு எமது உணவுப் பழக்கத்தில்  சில தவறுகளை செய்கிறோம்.

உலகம் முழுவதும் இதய நோய் ஆபத்துக்கள், கார்டியோ வாஸ்குலர் நோய்கள், கரோனரி நோய்கள், கொலஸ்டிரால் ஆகியவை கணிசமான முறையில் அதிகரித்து வருவதால் இதய நோய்கள் பற்றி பயம் மக்களுக்கு அதிக அளவில் இருக்கிறது.

அதனால் நம்முடைய டயட்டில் நாம் கட்டாயம் தவிர்க்க வேண்டிய விடயங்களைப் பற்றி அறிந்துக் கொள்வோம். ​

முட்டை கருவை தவிர்ப்பது

நிறைய பேர் இதய ஆரோக்கியத்துக்கு முட்டையின் மஞ்சள் கரு நல்லதல்ல என்று தவிர்த்து விட்டு, வெறும் வெள்ளைக் கருவை மட்டும் சாப்பிடுவார்கள்.

அது மிகத் தவறு. ​முட்டையின் மஞ்சள் கருவிலும் வெள்ளைக்கு இணையான புரதங்களோடு மினரல்களும் கொழுப்பு அமிலங்களும் இருக்கின்றன.

இவை இதய ஆரோக்கியத்திற்கு மிக முக்கியமான ஊட்டச்சத்துக்களாகும்.

காபி குடிப்பதை நிறுத்துவது

​காபி குடிப்பதை நிறுத்துவது நம்மில் பெரும்பாலானவர்களுக்கும் இந்த கருத்து உண்டு.

காபி குடிப்பது உடலுக்கு மிகவும் கெடுதல் என்று.

ஆனால் காபி குடிப்பது கார்டியோ வாஸ்குலர் ஆரோக்கியத்துக்கு மிகவும் நல்லது.

பால், சர்க்கரை சேர்க்காத காபியைக் குடிப்பதன் மூலம் ரத்த அழுத்தத்தைக் கட்டுக்குள் வைக்கலாம், பக்கவாதம், மாரடைப்பு உள்ளிட்ட இதய நோய்கள் வராமல் தடுக்க முடியும்.நீண்ட நாள் வாழ உதவி செய்யும்.

ஓட்ஸ் சாப்பிடுவது

ஓட்ஸ் தினமும் காலை உணவாக எடுத்துக் கொள்வது உடல் எடையைக் குறைக்கவும் இதய ஆரோக்கியத்துக்கும் மிக நல்லது என்று நினைத்துக் கொண்டிருக்கிறோம்.

பெரும்பாலானோர் காலையில் ஓட்ஸ் கஞ்சி சாப்பிடுவதை பார்த்திருப்போம்.

ஆனால் பல நாடுகளில் ஓட்ஸ் குதிரைக்குக் கொடுக்கும் தீவினமாக இருக்கிறது. மனிதர்கள் சாப்பிட ஏற்ற உணவல்ல என்று கூறப்படுகிறது.

கொழுப்பில்லாத உணவுகள்

கொழுப்பு என்றாலே ஒட்டுமொத்தமாக உடலுக்குக கெடுதல் என்று நினைத்துக் கொண்டிருக்கிறோம்.

ஆனால் கொழுப்பு அமிலங்கள் இதய ஆரோக்கியத்துக்கு மிக மிக முக்கியம்.

தாவர அடிப்படையிலான கொழுப்பு அமிலங்களில் அவகேடோ, பால் பொருள்கள், ஆலிவ் ஆயில் போன்றவையும் அசைவ உணவுகளில் கடல் உணவுகளில் உள்ள கொழுப்பு அமிலங்கள் இதய ஆரோக்கியத்துக்கு மிக முக்கியமானவை.

மருத்துவரை அணுகுதல்

உங்களுக்கு பால்பிடேஷன் (அதீத இதயத் துடிப்பு), கார்டியோ வாஸ்குலர் நோய்கள் குறித்த ஆபத்துக்கள் இருக்கின்றனவா என்று ஆலோசனை செய்து அதற்கு ஏற்ப தடுபபு நடவடிக்கை எடுக்க வேண்டியது முக்கியம் தான்.

ஆனால் இதற்கான எந்த காரணங்களும் அறிகுறிகளும் இல்லாமல் சிலர் பயந்து கொண்டு மருத்துவரை அணுகுவார்கள். அந்த மன அழுத்தம் தான ஆபத்து.

அதனால் முதலில் உங்களுக்கு உள்ள பிரச்சினையின் காரணத்தை முதலில் கண்டறியுங்கள்.