லங்காசிறி FM
கண்டியில் இன்று பாரிய மண்சரிவு ; மீட்பு பணிகளில் சிரமம்
Viro
கண்டி மாவட்டத்தின் அங்கும்புற கல்கொட்டுவ பகுதியில் இன்று சனிக்கிழமை (29) அதிகாலை ஏற்பட்ட பாரிய மண்சரிவு காரணமாக அந்தப் பகுதியில் பெரும் சேதங்கள் ஏற்பட்டுள்ளதாக பொலிஸார் தெரிவித்துள்ளனர்.
தொடர்ந்து பெய்து வரும் கனமழை காரணமாக மண்சரிவு ஏற்பட்டதாகவும், மண்சரிவு ஏற்பட்ட இடத்தில் வீடுகள் மற்றும் சொத்துக்கள் பாதிக்கப்பட்டுள்ளதாகவும் ஆரம்ப கட்ட தகவல்கள் தெரிவிக்கின்றன.
மீட்பு பணி
பாதிப்பு ஏற்பட்ட பகுதியைச் சேர்ந்த சில குடும்பங்கள் பாதுகாப்பான இடங்களுக்கு இடமாற்றம் செய்யப்படுவதற்கான நடவடிக்கைகள் மேற்கொள்ளப்பட்டுள்ளதாக பொலிஸார் தெரிவித்துள்ளனர்.
மண்சரிவு ஏற்பட்ட பகுதி அதிக அபாய நிலை பகுதியாக அடையாளம் காணப்பட்டுள்ளதால், மீட்புப்படையினர் மற்றும் பொலிஸார் மீட்பு நடவடிக்கைகளில் ஈடுபட்டு வருகின்றனர்.
மேலும், பாதிக்கப்பட்ட பகுதிக்கு பொதுமக்கள் செல்ல வேண்டாம் என்று பொலிஸார் எச்சரிக்கை விடுத்துள்ளனர்.
நிலவும் மோசமான வானிலை காரணமாக மலைப் பகுதிகள் முழுவதும் மண்சரிவு அபாயம் அதிகரித்துள்ளதால், மக்கள் எச்சரிக்கையுடன் இருக்கும்படி அதிகாரிகள் அறிவுறுத்தியுள்ளனர்.
Pussellawa, கொழும்பு, ஜேர்மனி, Germany, Scarborough, Canada
31 Oct, 2025
மயிலிட்டி தெற்கு, London, United Kingdom, Edinburgh, Scotland, United Kingdom
15 Nov, 2025
