லங்காசிறி FM
இலங்கையில் அரச பாடசாலைகளில் ஏற்பட்டுள்ள நிலை!
இலங்கை அரசாங்கம் அறிமுகப்படுத்தியுள்ள விடுமுறைத் திட்டத்தின் கீழ் பெருமளவிலான தகுதிவாய்ந்த ஆசிரியர்கள் வெளிநாடுகளுக்குச் சென்றுள்ளதால் தற்போது அரச பாடசாலைகளில் அதிகளவிலான வெற்றிடங்கள் உருவாகியுள்ளன.
இவ்வாறான நிலையில், புதிய ஆசிரியர்களை பணிக்கு அமர்த்துவதற்கு அமைச்சரவையின் ஒப்புதலை பெற்றுக்கொள்ள வேண்டிய சூழ்நிலை கல்வி அமைச்சுக்கு ஏற்பட்டுள்ளது.
அரச சுற்றறிக்கையின் பிரகாரம் 5 ஆண்டு ஊதியமற்ற விடுமுறைக்கு ஆசிரியர்கள் விண்ணப்பிக்கலாம். இதன் காரணமாக அரச பாடசாலைகளில் ஆசிரியர்களுக்கான வெற்றிடங்கள் ஏற்பட்டுள்ளன.
இலங்கையில் கடந்த 9 மாதங்களில் ஏறத்தாழ 50,000 ஆசிரியர்களுக்கு 5 ஆண்டுகளுக்கான ஊதியமற்ற விடுமுறை வழங்கப்பட்டுள்ளதாக கல்வியமைச்சின் அதிகாரி ஒருவர் தெரிவித்துள்ளார்.
இதேவேளை, நாட்டைவிட்டு வெளியேறும் ஆசிரியர்களை கல்வி அமைச்சினால் தடுக்க முடியாதென அமைச்சின் செயலாளர் நிஹால் ரணசிங்க தெரிவித்தார்.
புதிதாக உருவாகியுள்ள ஆசிரியர் வெற்றிடங்களை நிரப்புவதற்கு அனுமதிகோரி ஏற்கனவே அமைச்சரவைப் பத்திரம் சமர்ப்பிக்கப்பட்டுள்ளதாகவும் அவர் சுட்டிக்காட்டினார்.
நாட்டில் உள்ள அரச பாடசாலைகளில் சுமார் 40,000 ஆசிரியர்களுக்கான வெற்றிடங்கள் காணப்படுவதாக தகவலறிந்த வட்டாரங்கள் தெரிவித்தன.
அரச வைத்தியசாலைகளில் பணியாற்றும் வைத்தியர்கள் நாட்டைவிட்டு வெளியேறுகின்றமையால் சுகாதாரத்துறை பெரும் சவாலை எதிர்நோக்கியுள்ள நிலையில் கல்வித்துறையும் பிரச்சினையை எதிர்நோக்கும் என சுட்டிக்காட்டப்பட்டுள்ளது.
அளவெட்டி, தெல்லிப்பழை, சிலாபம், கொழும்பு, St. Gallen, Switzerland
07 May, 2022
