எரிபொருள் விலைத் திருத்தம் குறித்து வெளியான தகவல்

உலகச் சந்தையில் உயர்ந்து வரும் கச்சா எண்ணெய் விலைக்கு மத்தியில், உள்நாட்டு எரிபொருள் விலைத் திருத்தம் குறித்து அரசாங்கம் தற்போது பரிசீலித்து வருவதாக அமைச்சர் வைத்தியர் நலிந்த ஜயதிஸ்ஸ தெரிவித்துள்ளார்.

உலகச் சந்தையில் அதிகரித்துள்ள எரிபொருள் விலையின் சுமையை மக்கள் மீது சுமத்தாமல், மானியமொன்றை வழங்குவது குறித்து அரசாங்கம் தற்போது கலந்துரையாடி வருவதாக அமைச்சர் குறிப்பிட்டார்.

எரிபொருள் விலைக்கு மானியம்

அதன்படி, இதற்காக திறைசேரியிலுள்ள நிதியில் ஒரு பகுதியைப் பயன்படுத்தி, உயர்ந்து வரும் எரிபொருள் விலைக்கு மானியம் வழங்க அரசாங்கம் நடவடிக்கை எடுக்கும் என்றும் அவர் கூறினார்.

இருப்பினும், அந்த மானியத் தொகை எவ்வளவு என்பது இதுவரை தீர்மானிக்கப்படவில்லை எனத் தெரிவித்த அமைச்சர், உலகச் சந்தையில் அதிகரிக்கும் முழுத் தொகையையும் மக்கள் மீது சுமத்தாமல், திறைசேரி ஊடாக மக்களுக்கு ஏதேனும் ஒரு நிவாரணத்தை வழங்கவே அரசாங்கம் எப்போதும் எதிர்பார்ப்பதாகக் குறிப்பிட்டார்.

"மீண்டுமொருமுறை இந்த எரிபொருள் விலை அதிகரிப்பு குறித்து நாம் பரிசீலித்து வருகிறோம். முழுச் சுமையையும் மக்கள் மீது சுமத்தாமல் அரசாங்கத்தால் ஏதேனும் ஒரு மானியத்தை வழங்க முடியுமா என்று பார்க்கிறோம்.

சீரற்ற காலநிலை ; சில மாவட்டங்களுக்கு மண்சரிவு அபாய எச்சரிக்கை

திறைசேரியில் உள்ள நிதியில் ஒரு பகுதியை இதற்காகப் பயன்படுத்தி, அந்தச் சுமையை அரசாங்கம் ஏற்றுக்கொண்டு மீதிப் பகுதியை முகாமைத்துவம் செய்வதே நோக்கமாகும். அந்தத் தொகை எவ்வளவு என்பது அரசாங்கமாக இதுவரை தீர்மானிக்கப்படவில்லை.

உலகச் சந்தையில் அதிகரிக்கும் முழுச் சுமையையும் மக்கள் மீது சுமத்துவதற்குப் பதிலாக, திறைசேரி மூலம் மக்களுக்கு ஏதேனும் நிவாரணத்தை வழங்க முடியுமா என்பதையே அரசாங்கம் எப்போதும் பார்க்கிறது. இது அனைத்துப் பொருட்கள் மற்றும் சேவைகளின் விலையையும் ஓரளவுக்குக் கட்டுக்குள் வைத்திருக்க உதவியாக இருக்கும்."  

மேல் மாகாண சபையின் முன்னாள் சுகாதார அமைச்சருக்கு நீதிமன்றம் பிறப்பித்த உத்தரவு