லங்காசிறி FM
உயிர் அச்சுறுத்தலால் ஓடியவர்களை விரட்டியடித்த காரைநகர் கடற்படை ; குற்றம் சுமத்தும் மனைவி
Sulokshi
யாழ்ப்பாணத்தில் இளம் குடும்பஸ்தர் கடத்தப்பட்டு கொலை செய்யப்பட்ட சம்பவம் பெரும் அதிர்ச்சியை ஏற்படுத்தியுள்ள நிலையில், எனது கணவரின் சாவிற்கு காரைநகர் கடற்படையும் ஒரு காரணம் என உயிரிழந்த இளைஞனின் மனைவி குற்றம் சுமத்தியுள்ளார்.
காரைநகர் பகுதிக்கு கணவன் மனைவி சென்று விட்டு திரும்பும் வழியில் , கணவன் மனைவியை கடத்தி சென்ற வன்முறை கும்பல் கணவனை படுகொலை செய்துள்ளது. சம்பவம் தொடர்பில் உயிரிழந்தவரின் மனைவி தெரிவிக்கையில் ,
வழிமறித்த கும்பல் -விரட்டியடித்த கடற்படை
காரைநகருக்கு சென்று விட்டு , மோட்டார் சைக்கிளில் நானும் எனது கணவரும் வீடு திரும்பும் போது , பொன்னாலை பாலத்திற்கு அருகில் எம்மை வழிமறித்த கும்பல் வாகனத்தில் எம்மை கடத்த முயற்சித்தனர்.
அவ்வேளை , நானும் கணவரும் அவர்களிடம் தப்பித்து அருகில் இருந்த கடற்படை முகாமிற்குள் தஞ்சம் புகுந்தோம். ஆனால் கடற்படையினர் எம்மை அங்கிருந்து விரட்டினார்கள்.
" எங்களை கடத்த போறாங்க , எங்களை காப்பாற்றுங்க " என கடற்படையிடம் மன்றாடியபோதும் அவர்கள் எங்களை முகாமில் இருந்து துரத்தினார்கள் அவ்வேளையிலே எம்மை அவர்கள் வாகனத்தில் கடத்தி சென்றனர்.
கடற்படையினர் மனிதாபிமானத்துடன் நடந்து கொண்டு , எமக்கு அடைக்கலம் கொடுத்து இருந்தால் , எனது கணவரின் உயிர் பிரிந்திருக்கது எனவும் மனைவி கண்ணீருடன் கூறியுள்ளார்.
எனது கணவரின் சாவுக்கு கடற்படையும் ஒரு விதத்தில் காரணம் என தெரிவித்தார். அதேவேளை , கடற்படையினர் அடைக்கலம் கொடுக்காது இருந்தாலும் , தமது முகாமிற்கு அருகில் வாகனத்துடன் நின்ற கும்பலை துரத்தி இருந்தால் குடும்பஸ்தரின் உயிர் காப்பாற்றப்பட்டு இருக்காலாம்.
இந்நிலையில் கடற்படையின் கண் முன் இருவரை வாகனத்தில் வந்தவர்கள் கடத்தி சென்ற போதும் கடற்படையினர் அதனை தடுக்கவோ , கண்டுகொள்ளவோ இல்லை என உறவினர்கள் விசனம் வெளியிட்டுள்ளனர்.
இந்நிலையில் குடும்பஸ்தரின் கொலை சம்பவம் தொடர்பில் கடற்படை மீதும் எங்களுக்கு சந்தேகம் வருகிறது என உயிரிழந்த இளைஞனின் உறவினர்கள் தெரிவித்துள்ளமை குறிப்பிடத்தக்கது.
யாழ்ப்பாணம், யாழ் அச்சுவேலி தோப்பு, Jaffna, பேர்ண், Switzerland
19 Nov, 2025
அச்சுவேலி, Woodbridge, Canada
18 Dec, 2010
புங்குடுதீவு 3ம் வட்டாரம், யாழ்ப்பாணம், நீர்கொழும்பு, பிரான்ஸ், France
16 Dec, 2016
நயினாதீவு 5ம் வட்டாரம், நயினாதீவு 2ம் வட்டாரம், கோண்டாவில், Toronto, Canada, Montreal, Canada, London, United Kingdom
04 Dec, 2025
