கந்தகாடு புனர்வாழ்வு முகாம் சம்பவத்தின் மறைக்கப்பட்ட கதை!

Sri Lanka Police Investigation Department of Prisons Sri Lanka Prisons in Sri Lanka Prison

By Shankar Dec 13, 2023 12:20 AM GMT

Shankar

Report

வெலிகந்த, கந்தகாடு புனர்வாழ்வு முகாமிலிருந்து நேற்றிரவு (11-12-2023) தப்பியோடிய138 கைதிகளில் 129 பேரை பொலிஸார் மீண்டும் கைது செய்துள்ளனர்.

ஏனைய 09 கைதிகளை தேடும் நடவடிக்கைகளை பொலிஸார் தீவிரமாக முன்னெடுத்து வருகின்றனர்.

கந்தகாடு புனர்வாழ்வு முகாம் சம்பவத்தின் மறைக்கப்பட்ட கதை! | Kandakadu Rehab Centre Incident Hidden Story

நீதிமன்ற உத்தரவுக்கமைய போதைக்கு அடிமையானவர்கள் புனர்வாழ்வளிக்கப்படும் கந்தகாடு புனர்வாழ்வு முகாமில் நேற்று இரு தடவைகள் ஏற்பட்ட அமைதியின்மை காரணமாக 138 கைதிகள் தப்பிச் சென்றிருந்தனர்.

இதையடுத்து அவர்களை தேடும் பணியில் பொலிஸார் மற்றும் இராணுவத்தினர் ஈடுபட்டனர்.

பொலன்னறுவை - சோமாவதிய வீதியில் சுங்கவில வனப் பிரதேசத்தில் குறித்த தேடுதல் பணி முன்னெடுக்கப்பட்டது.

இதன்போது, தப்பியோடிய கைதிகளில் 102 பேர் நேற்றிரவு பொலிஸாரால் கைது செய்யப்பட்டனர்.

இதனைத் தொடர்ந்து முன்னெடுக்கப்பட்ட தேடுதல் நடவடிக்கைகளில், இன்று காலை மற்றும் பிற்பகல் பாதுகாப்பு படையினரால் மேலும் 27 கைதிகள் கைது செய்யப்பட்டுள்ளனர்.

கைது செய்யப்பட்டவர்களில் 78 பேர் இன்று பொலன்னறுவை நீதவான் நீதிமன்றில் முன்னிலைப்படுத்தப்பட்டதுடன், அவர்கள் எதிர்வரும் டிசம்பர் மாதம் 22 ஆம் திகதி வரை விளக்கமறியலில் வைக்கப்பட்டுள்ளனர்.

மேலும், ஹிங்குரக்கொட நீதவான் நீதிமன்றில் முன்னிலைப்படுத்தப்பட்ட 25 கைதிகள் நாளை வரை விளக்கமறியலில் வைக்கப்பட்டுள்ளனர்.

வெலிகந்த, கந்தகாடு சிகிச்சை மற்றும் புனர்வாழ்வு மத்திய முகாமில் கைதிகள் குழு ஒன்று தப்பிச் சென்ற சம்பவம் கடந்த வருடம் நவம்பர் மாதம் 7ஆம் திகதியும் பதிவாகியிருந்தது.