லங்காசிறி FM
கொலை செய்ய சென்றவர்களுக்கு பொலிஸார் செய்த சம்பவம் ; அதிர வைத்த துப்பாக்கிச்சூடு
கொஸ்கொடை, மகாஹிந்துரவ பகுதியில் கொலைச் செய்யச் சென்று கொண்டிருந்த சந்தேகநபர்கள் இருவர் மீது பொலிஸார் துப்பாக்கிப் பிரயோகம் மேற்கொண்டுள்ளனர்.
துப்பாக்கிச் சூட்டில் காயமடைந்த ஒருவர் வைத்தியசாலையில் அனுமதிக்கப்பட்டுள்ளதாகத் தெரிவித்துள்ள பொலிஸார், மற்றைய நபர் கைது செய்யப்பட்டுள்ளதாகவும் குறிப்பிட்டுள்ளனர்.
துப்பாக்கிதாரி
'லொகு பெட்டி' தரப்பைச் சேர்ந்த துப்பாக்கிதாரி ஒருவர், 'கரந்தெனிய சுத்தா' தரப்பைச் சேர்ந்த ஒருவரை இலக்கு வைத்து இந்தத் துப்பாக்கிச் சூட்டை நடத்த முயன்றிருக்கலாம் என சந்தேகிக்கப்படுவதாக பொலிஸார் தெரிவித்துள்ளனர்.
இதன்போது, பொலிஸாரிடம் சிக்கிய துப்பாக்கிதாரி தப்பிச் செல்ல முயன்றபோதே பொலிஸார் துப்பாக்கிப் பிரயோகம் மேற்கொண்டுள்ளதுடன், அதில் அவர் காயமடைந்துள்ளார். சந்தேகநபர்களிடமிருந்து இரண்டு துப்பாக்கிகள் பொலிஸாரால் கைப்பற்றப்பட்டுள்ளன.
வலானை ஊழல் தடுப்புப் பிரிவினரால் மேற்கொள்ளப்பட்ட விசேட சோதனையின் போதே இந்த துப்பாக்கிச் சூடு இடம்பெற்றுள்ளது.
விளக்கமறியலில் வைக்கப்பட்டுள்ள 'லொகு பெட்டி' என்ற குற்றவாளியின் சகோதரரான 'பொடி பெட்டி' என்பவர், கடந்த 01 ஆம் திகதி அஹூங்கல்ல, வெலிகந்த பகுதியில் வைத்து சுட்டுக் கொல்லப்பட்டார்.
கொலை செய்ய வந்த துப்பாக்கிதாரி நடந்து வந்து 'பொடி பெட்டியை இலக்கு வைத்து துப்பாக்கிச் சூடு நடத்திவிட்டு மீண்டும் நடந்தே தப்பிச் சென்றிருந்தார். அச்சம்பவத்திற்கு பழிவாங்கும் நோக்கிலேயே 'லொகு பெட்டி' தரப்பினர் இந்தத் தாக்குதலை நடத்த வந்திருக்கலாம் என பொலிஸார் சந்தேகிக்கின்றனர்.
புங்குடுதீவு 8ம் வட்டாரம், Büren an der Aare, Switzerland
29 Aug, 2026
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
புலோலி கிழக்கு, Villeneuve-Saint-Georges, France
30 Sep, 2026
முல்லைத்தீவு, கொய்யாத்தோட்டம், யாழ்ப்பாணம், Toronto, Canada
01 Oct, 2026
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
நெடுந்தீவு கிழக்கு, கொழும்பு, பாண்டியன்குளம், Brampton, Canada
26 Sep, 2026
மானிப்பாய், Florida, United States, Southgate, United Kingdom
24 Sep, 2026