லங்காசிறி FM
கொவிட் நோயாளர்களுக்கு வைத்தியசாலையில் இடம் போதவில்லை; நோயாளிகள் அவதி!
Independent Writer
இலங்கையில் நாளுக்குநாள் கொவிட் தொற்றாளர்களின் எண்ணிக்கையைப் போலவே வைத்தியசாலைகளில் அனுமதிக்கப்படுபவர்களின் எண்ணிக்கையும் அதிகரித்து வருவதாகப் பொது சுகாதார பரிசோதகர்கள் சங்கம் தெரிவித்துள்ளது.
இந்நிலையில் பல வைத்தியசாலைகளில் உள்ள கொவிட் நோயாளர்களுக்கு வழங்கப்பட்டிருந்த வார்டுகள்,தற்போது மற்ற நோயாளிகளுக்கு வழங்கப்பட்டு வருவதால் வைத்தியசாலையின் கொள்ளளவை தாண்டிச் செல்வதாக அந்த சங்கம் குறிப்பிட்டுள்ளது.
இது குறித்து பொது பரிசோதகர்கள் சங்கத்தின் தலைவர் உபுல் ரோஹன கூறுகையில், "தற்போது, இலங்கையில் பதிவாகும் கொவிட் நோயாளிகளின் எண்ணிக்கை வியத்தகு அளவில் அதிகரித்துள்ளது.
நாளாந்தம் 2,000 கொவிட் நோயாளிகள் பதிவாகி வருவதாகத் தெரிவிக்கப்படுகிறது. உண்மையான தரவுகள் ஊடகங்களில் வௌியாகவில்லை. வைத்தியசாலைகள் நிரம்பியுள்ளன.
ஏற்கனவே இருந்த பல சிகிச்சை மையங்கள் திரும்ப ஒப்படைக்கப்பட்டுள்ளன மற்றும் சிகிச்சை மையங்கள் இப்போது முழுவதுமாக நிரம்பி வழிகிறது. நோயாளர்கள் இவ்வாறு தொடர்ந்து அதிகரித்தால், பலி எண்ணிக்கையும் அதிகரிக்கக்கூடும் எனவும் அவர் அச்சம் வெளியிட்டுள்ளார்.
அதேவேளை தேவைக்கு ஏற்ப வைத்தியசாலைகளின் கொள்ளளவை அதிகரிக்குமாறு வைத்தியசாலை அதிகாரிகளுக்கு சுகாதார சேவைகள் பிரதிப் பணிப்பாளர் விசேட வைத்தியர் ஹேமந்த ஹேரத் அறிவுறுத்தியுள்ளார்.
இந்த நிலையில் கொவிட் தொற்றால் ஏற்படும் புதிய மாறுபாட்டையும் கட்டுப்படுத்தும் ஆற்றல் நாட்டின் சுகாதார பிரிவிற்கு இருப்பதாக சுகாதார அமைச்சர் கெஹலிய ரம்புக்வெல்ல தெரிவித்துள்ளமை குறிப்பிடத்தக்கது.
புங்குடுதீவு 2ம் வட்டாரம், புங்குடுதீவு 12ம் வட்டாரம், வவுனியா, Paris, France
13 Nov, 2024
யாழ்ப்பாணம், கொழும்பு, கன்பெறா, Australia, சிட்னி, Australia
11 Nov, 2025
அனலைதீவு 2ம் வட்டாரம், யாழ்ப்பாணம், Kamen, Germany, Stouffville, Canada
24 Nov, 2024
