லங்காசிறி FM
முக்கிய தமிழர் பகுதியை சூழ்ந்த வெள்ள நீர்: 182 குடும்பங்களுக்கு ஏற்பட்ட நிலை
Shankar
தொடர்ச்சியாக பெய்து வரும் மழை காரணமாக முல்லைத்தீவில் ஏற்பட்டுள்ள வெள்ளத்தினால் 182 குடும்பங்களை சேர்ந்த 573 பேர் பாதிக்கப்பட்டுள்ளதாக மாவட்ட அனர்த்த முகாமைத்துபிரிவு தகவல் வெளியிட்டுள்ளது.
முல்லைத்தீவு - கரைதுறைப்பற்று, ஒட்டுசுட்டான், மாந்தை கிழக்கு, ஆகிய பிரதேசங்களில் அதிகளவான மக்கள் வெள்ளத்தினால் பாதிக்கப்பட்டுள்ளதாக மாவட்ட அனர்த்த முகாமைத்துவ நிலையம் அறிவித்துள்ளது.
இவ்வாறான நிலையில், ஒட்டுசுட்டான் பிரதேசத்தின் புளியங்குளம் பண்டாரவன்னி ஆகிய கிராமங்கள் வெள்ளத்தில் மூழ்கியுள்ளன வெள்ள நீர் வடிந்தோடி வருகின்றது.
பண்டாரவன்னி கிராமமம் முற்று முழுதாக வெள்ளத்தில் முழ்கியுள்ளதால் மக்களின் வீடுகளுக்குள்ளும் வெள்ளநீர் புகுந்துள்ளதுடன் வயல் நிலங்களும் வெள்ள நீரில் மூழ்கியுள்ளது.
பண்டாரவன்னி கிராமத்திற்கு செல்லும் வீதிகள் அனைத்தும் வெள்ளத்தில் மூழ்கியுள்ளதால் மக்கள் வெளியேற முடியாத நிலைக்கு தள்ளப்பட்டுள்ளார்கள்.
இதேவேளை, 62 குடும்பங்களை சேர்ந்த 195 பேர் இதில் பாதிப்பினை எதிர்கொண்டுள்ளார்கள்.
இன்று காலை கிராம சேவையார் உள்ளிட்ட அரச திணைக்கள அதிகாரிகள் வெள்ளத்தில் பாதிக்கப்பட்ட மக்களை நேரில் சென்று மக்களின் விபரங்களை திரட்டும் நடவடிக்கையில் ஈடுபட்டுள்ளார்கள்.
புளியங்குளம் கிராமத்தில் 4 குடும்பங்களை சேர்ந்த 16 பேர் பாதிக்கப்பட்டுள்ளார்கள்.
இதேபோன்று மாங்குளம் பனிக்கன்குளம் உள்ளிட்ட பகுதிகள் அடங்கலான மாவட்ட அனர்த்த முகாமைத்து நிலை தகவலின் படி,
ஒட்டுசுட்டான் பிரதேசத்தில் 115 குடும்பங்களை சேர்ந்த 379 பேரும், கரைதுறைப்பற்று பிரதேசத்தில் 28 குடும்பங்களை சேர்ந்த 87 பேரும் மாந்தை கிழக்கு பிரதேசத்தில் 39 குடும்பங்களை சேர்ந்த 107 பேரும் பாதிக்கப்பட்டுள்ளதாக அறிவித்துள்ளார்கள்.
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
