லங்காசிறி FM
எரிபொருள் விலைச் சூத்திரம் குறித்து ஹர்ஷ டி சில்வா குற்றச்சாட்டு
Sahana
அரசாங்கத்தின் எரிபொருள் விலைச் சூத்திரம் மற்றும் தற்போதைய விலைகள் கணக்கிடப்படும் முறைமையில் வெளிப்படைத்தன்மை இல்லை என எதிர்க்கட்சி நாடாளுமன்ற உறுப்பினர் ஹர்ஷ டி சில்வா கவலை வெளியிட்டுள்ளார்.
இது தொடர்பாக அவர் விடுத்துள்ள அறிக்கையில் பின்வரும் முக்கிய அம்சங்களைக் குறிப்பிட்டுள்ளார்
இலங்கை பெற்றோலியக் கூட்டுத்தாபனத்தின் (CPC) எரிபொருள் நிலையங்களில் விலையைத் தீர்மானிக்கும் போது, உலக சந்தையில் 92 ரக பெட்ரோல் ஒரு பேரல் 130 டொலர் எனவும், ஓட்டோ டீசல் ஒரு பேரல் 180 டொலர் எனவும் அரசாங்கம் உத்தேச விலைகளைக் கொண்டு கணக்கிடுவதாக அவர் சுட்டிக்காட்டியுள்ளார்.
சில்லறை விற்பனை விலையில் பெட்ரோலுக்கு சுமார் 20 ரூபாயும், டீசலுக்கு 100 ரூபாயும் மானியமாக வழங்கப்படுவதாகக் காட்டப்படுவதை அவர் விமர்சித்துள்ளார்.
இலங்கை இவ்வளவு அதிக விலையைக் கொடுத்து எரிபொருளை வாங்காத நிலையில், இந்த "அனுமான விலைகள்" மற்றும் "கற்பனை மானியங்கள்" எதன் அடிப்படையில் கணக்கிடப்படுகின்றன என அவர் கேள்வி எழுப்பியுள்ளார்.
தற்போதைய நிர்வாகம் முன்னர் மங்கள சமரவீரவினால் அறிமுகப்படுத்தப்பட்ட விலைச் சூத்திரத்தை எதிர்த்ததை நினைவூட்டிய அவர், தற்போதைய விலைக் கட்டமைப்பில் உள்ள உண்மையான செலவுகள் மற்றும் வரிகள் குறித்த விபரங்களை அரசாங்கம் பகிரங்கப்படுத்த வேண்டும் என வலியுறுத்தியுள்ளார்
கடந்த காலங்களில் எரிபொருள் விலை முடிவுகள் குறித்து அதிகப்படியான வெளிப்படைத்தன்மை பேணப்பட்டதாக சுட்டிக்காட்டிய அவர், தற்போதைய அதிகாரிகளும் அதேபோன்ற திறந்த தன்மையைக் கடைப்பிடிக்க வேண்டும் எனக் கேட்டுக்கொண்டார்.
Our back calculations (best guess based on pre crisis info on formula and taxes) imply that Pres @anuradisanayake gov is using USD 130 and USD 180 per barrel for 92 Petrol and auto diesel respectively to calculate formula based price at CPC fuel stations. Then we are being told… pic.twitter.com/C4vGgJcaVc
— Harsha de Silva (@HarshadeSilvaMP) March 22, 2026
ஆனைக்கோட்டை, யாழ்ப்பாணம், தெல்லிப்பழை வீமன்காமம், வவுனியா, கொழும்பு, Toronto, Canada, Ottawa, Canada
19 Mar, 2026
மானிப்பாய், கொக்குவில், மட்டக்களப்பு, அண்ணா நகர், India, London, United Kingdom
27 Mar, 2025
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
