லங்காசிறி FM
கொழும்பு மருத்துவமனையில் மீட்கப்பட்ட கைக்குண்டு; வெளிவரும் திடுக்கிடும் தகவல்கள்
Sulokshi
கொழும்பு நாரஹேன்பிட்டியிலுள்ள தனியார் மருத்துவமனை ஒன்றின் கழிப் பறையிலிருந்து கண்டுபிடிக்கப்பட்ட கைக்குண்டை கொழும்பு 7 விஜயராம மாவத்தையில் அமைந்துள்ள அமைச்சர் ஒருவருக்குச் சொந்தமான உத்தியோகபூர்வ இல்லத்தின் மேசை இலாச்சி ஒன்றிலிருந்து கொண்டு வரப்பட்டதாக பொலிஸ் வட்டாரங்கள் தெரிவிக்கின்றன.
குறித்த சம்பவம் தொடர்பாகத் திருகோணமலை உப்புவெளிப் பகுதியில் வசிக்கும் ஒரு கட்டுமான நிறுவனத்தில் பணியாற்றும் ஊழியரான சந்தேக நபர் கொழும்பு குற்றப் பிரிவினரால் தடுப்புக்காவல் உத்தரவின் பேரில் விசாரிக்கப்பட்டு வருகிறார்.
இந்நிலையில் சந்தேக நபர் வழங்கிய அறிக்கையின்படி இந்த உண்மைகள் தெரியவந்ததாக பொலிஸ் வட்டாரங்கள் தெரிவித்துள்ளன. குறித்த சந்தேக நபர் சுமார் மூன்று மாதங்களுக்கு முன்னர் கொழும்பு 07 இல் உள்ள உத்தியோகபூர்வ இல்லத்தை திருத்தச் சென்ற போது அங்கு அமைந்துள்ள அறையின் மேசை இலாச்சியிலிருந்து கைக்குண்டு மற்றும் துப்பாக்கி ரவைகளை கண்டெடுத்ததாகத் தெரிவித்துள்ளார்.
குறித்த நபர் வெடிக்கும் நிலையில் உள்ள கைகுண்டை எடுத்ததாகவும், துப்பாக்கி ரவைகளை அவருடன் இருந்த ஏனைய நண்பர்கள் எடுத்துச் சென்றுள்ளதாகவும் தகவல்கள் வெளியா கியுள்ளதாக பொலிஸ் வட்டாரங்கள் தெரிவித்தன.
இதனையடுத்து , சில புலனாய்வாளர்கள் நேற்று பிற்பகல் கொழும்பு 07இல் அமைந்துள்ள உத்தியோகபூர்வ இல்லம், மகாவ மற்றும் வெலிகந்தவில் உள்ள உத்தியோகபூர்வ இல்லத்துக்குச் சென்று வெடி பொருட்களை தேடி இருந்ததாகவும் கூறப்படுகின்றது.
குறித்த வீட்டில் தற்போது அமைச்சரவை அமைச்சர் ஒருவர் வசித்து வருவதாகவும், எனினும் சம்பந்தப்பட்ட அமைச்சர் உத்தியோகபூர்வ இல்லத்தில் குடியேறுவதற்கு முன்பே கைகுண்டு மற்றும் துப்பாக்கி ரவைகள் கண்டுபிடிக் கப்பட்டதாகவும் சந்தேக நபர் தெரிவித்துள்ளார்.
மேலும் இந்த சம்பவம் தொடர்பாக மேலதிக விசாரணைகள் முன்னெடுக்கப்படுவதால் சந்தேக நபரை பயங்கரவாதத் தடைச் சட்டத்தின் கீழ் தடுத்து வைத்து விசாரிக்க கொழும்பு குற்றத் தடுப்புப் பிரிவிடம் அனுமதி பெறப்பட்டுள்ளமை குறிப்பிடத்தக்கது.
அனலைதீவு 2ம் வட்டாரம், யாழ்ப்பாணம், Kamen, Germany, Stouffville, Canada
24 Nov, 2024
புங்குடுதீவு 2ம் வட்டாரம், வட்டக்கச்சி இராமநாதபுரம், Woodbridge, Canada
22 Nov, 2025
தொண்டைமானாறு, காங்கேசன்துறை, London, United Kingdom
23 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், திருநெல்வேலி, கட்டுவன், முன்சன், Germany, Toronto, Canada, Peterborough, Canada
07 Dec, 2021
யாழ்ப்பாணம், யாழ் அச்சுவேலி தோப்பு, Jaffna, பேர்ண், Switzerland
19 Nov, 2025
