லங்காசிறி FM
நடுவானில் விமானத்தில் இலங்கை பெண்ணுக்கு ஏற்பட்ட அசம்பாவிதம்! பரிதாபமாக உயிரிழப்பு
Shankar
நடுவானில் பறந்துகொண்டிருந்த துபாய் விமான ஒன்றில் இலங்கை பெண் பயணி ஒருவர் உயிரிழந்ததை தொடர்ந்து விமானம் அவசர அவசரமாக பாகிஸ்தானின் கராச்சி விமான நிலையத்தில் தரையிறக்கப்பட்ட சம்பவம் ஒன்று பதிவாகியுள்ளது.
இச்சம்பவத்தில் இலங்கையை சேர்ந்த 57 வயதான பலவினி என்ற பெண்ணே உயிரிழந்திருப்பதாக தகவல்கள் வெளியாகியுள்ளன.
துபாயில் இருந்து கொழும்பு கட்டுநாயக்க சர்வதேச விமான நிலையத்தை நோக்கி பயணித்துக் கொண்டிருந்த விமானத்திலிருந்த குறித்த பெண் பயணியின் உடல்நிலை திடீரென மோசமடைந்ததாக தெரிவிக்கப்பட்டுள்ளது.
இதனையடுத்து விமானத்தை கராச்சி விமான நிலையத்தில் தரையிறக்குவதற்கான விமானி வேண்டுகோளை விடுத்துள்ளார்.
விமானம் தரையிறங்கியதும் உடனடியாக பாகிஸ்தானின் சிவில் விமான போக்குவரத்து அதிகார சபையை சேர்ந்தவர்கள் மருத்துவ பரிசோதனைக்காக விமானத்திற்குள் ஏறியுள்ளனர்.
அவர்கள் சிகிச்சையளித்த போதிலும் இலங்கை பெண் உயிரிழந்துள்ளார். அவருக்கு மாரடைப்பு ஏற்பட்டுள்ளதாக மருத்துவர்கள் தெரிவித்துள்ளனர்.
இதன் பின்னர் விமான நிலையத்தின் மருத்துவ அதிகாரி குறித்த பெண்ணிற்கு மரண சான்றிதழை வழங்கியுள்ளார்.
இதைத்தொடர்ந்து குறித்த விமானம் பெண்ணின் உடலுடன் கொழும்பை நோக்கி பயணித்துள்ளதாக தெரிவிக்கப்படுகின்றது.
புங்குடுதீவு 4ம் வட்டாரம், கொழும்பு, Paris, France, Zürich, Switzerland
13 Apr, 2026
களுதாவளை, சாவகச்சேரி, மட்டக்களப்பு, London, United Kingdom
14 Apr, 2021
