லங்காசிறி FM
பாம்பு கடித்த சிறுவனை ஆற்றில் மிதக்கவிட்ட குடும்பம் ; வைரலாகும் காணொளி
Sahana
இந்தியாவின் உத்தரப் பிரதேசத்தின் அம்ரோஹா மாவட்டத்தில் உள்ள பிதாம்பூர் கிராமத்தைச் சேர்ந்த 14 வயது சிறுவன் அமித், கடந்த ஏப்ரல் 9 ஆம் திகதி பாம்பு கடியால் உயிரிழந்துள்ளார்.
தீவிர விசாரணை
தோட்டத்தில் விளையாடிக்கொண்டிருந்தபோது சிறுவனைப் பாம்பு கடித்த நிலையில், பெற்றோர் உடனடியாக மருத்துவமனைக்கு அழைத்துச் செல்வதற்குப் பதிலாக ஒரு மந்திரவாதியின் உதவியை நாடியுள்ளனர்.
கங்கை நதியில் சிறுவனை மிதக்கவிட்டால் விஷம் முறிந்துவிடும் என்று மந்திரவாதி கூறியதை நம்பிய குடும்பத்தினர், அமித்தின் உடலை மூங்கில் கம்புகளில் கட்டி சுமார் 12 மணி நேரம் ஆற்றில் மிதக்கவிட்டுள்ளனர்.
நீண்ட நேரமாகியும் சிறுவனிடம் எந்த அசைவும் இல்லாததைக் கண்டு, பின்னரே அவர்கள் மருத்துவமனைக்குக் கொண்டு சென்றுள்ளனர்.
அங்கு அமித்தை பரிசோதித்த மருத்துவர்கள், அவன் ஏற்கனவே இறந்துவிட்டதாக உறுதிப்படுத்தினர்.
இந்தச் சம்பவம் தொடர்பான காணொளி காட்சிகள் சமூக வலைதளங்களில் வெளியாகி கடும் அதிர்ச்சியை ஏற்படுத்தியுள்ள நிலையில், காவல்துறையினர் இது குறித்து தீவிர விசாரணை நடத்தி வருவதாக இந்திய ஊடகங்கள் செய்தி வெளியிட்டுள்ளன.
கொக்குவில் மேற்கு, மட்டக்களப்பு, கொழும்பு, நெடுங்கேணி, Harrow, United Kingdom
13 Apr, 2025
புங்குடுதீவு 11ம் வட்டாரம், புங்குடுதீவு 10ம் வட்டாரம், சுவிஸ், Switzerland, கொழும்பு
12 Mar, 2026
