அவசரகாலச் சூழ்நிலை;சுவிஸ் மக்களுக்கு முக்கிய அறிவிப்பு

Switzerland World

By Sulokshi Nov 04, 2026 02:00 PM GMT

Sulokshi

Report

சுவிற்சர்லாந்தில் எதிர்பாராத அவசரகாலச் சூழ்நிலைகளை எதிர்கொள்ளும் வகையில், பொதுமக்கள் தங்களது வீடுகளில் அத்தியாவசியப் பொருட்களை முன்கூட்டியே சேமித்து வைத்திருக்குமாறு அரசு தொடர்ந்து அறிவுறுத்தி வருகிறது.

மின்சாரத் தடை, இயற்கைப் பேரிடர்கள், குடிநீர் விநியோகத்தில் பாதிப்பு, உணவுப் பொருட்கள் விநியோகத் தடை உள்ளிட்ட எதிர்பாராத சூழ்நிலைகளின்போது பொதுமக்கள் சிரமமின்றி சமாளிக்க இந்த முன்னெச்சரிக்கை நடவடிக்கை பரிந்துரைக்கப்படுகிறது.

சுவிற்சர்லாந்தின் தேசியப் பொருளாதார விநியோக அலுவலகத்தின் (BWL/FONES) வழிகாட்டுதலின்படி, ஒவ்வொரு நபருக்கும் குறைந்தது மூன்று நாட்களுக்குத் தேவையான 9 லிட்டர் குடிநீரையும், சுமார் ஒரு வாரத்திற்குத் தேவையான உணவுப் பொருட்களையும் வீட்டில் இருப்பு வைத்திருக்க வேண்டும்.

மேலும், அரிசி, பாஸ்தா, டின் உணவுகள், நீண்ட நாட்கள் கெடாமல் இருக்கக்கூடிய உணவுப் பொருட்கள், அத்தியாவசிய மருந்துகள், முதலுதவிப் பெட்டி, டார்ச் லைட், பேட்டரிகள், பேட்டரியில் இயங்கும் ரேடியோ, மெழுகுவர்த்தி, தீப்பெட்டி உள்ளிட்ட பொருட்களையும் தயார் நிலையில் வைத்திருக்குமாறு பரிந்துரைக்கப்பட்டுள்ளது.

இந்த அறிவுறுத்தல் சுவிற்சர்லாந்தில் உடனடியாகப் போர் அல்லது பேரிடர் ஏற்படப்போகிறது என்பதற்கான எச்சரிக்கை அல்ல.

மாறாக, எதிர்பாராத நெருக்கடிகளின்போது மக்கள் தன்னிறைவுடன் சில நாட்கள் முதல் ஒரு வாரம் வரை சமாளிக்கும் வகையில் மேற்கொள்ளப்படும் தேசிய அளவிலான முன்னெச்சரிக்கை நடவடிக்கையாகும்.

அரசின் இந்த அறிவுறுத்தலின்படி, ஒவ்வொரு குடும்பமும் தங்களது உறுப்பினர்களின் எண்ணிக்கைக்கு ஏற்ப அத்தியாவசியப் பொருட்களை முன்கூட்டியே தயாராக வைத்திருப்பது அவசியமாகிறது.