லங்காசிறி FM
அடுத்த ஆண்டுக்கான பாடசாலைப் பாடநூல் விநியோகம் தொடர்பில் கல்வி வெளியீட்டுத் திணைக்களம் அறிவிப்பு
எதிர்வரும் கல்வி ஆண்டுக்கான பாடசாலைப் பாடநூல்களை விநியோகிக்கும் பணிகள் உத்தியோகபூர்வமாக ஆரம்பிக்கப்பட்டுள்ளதாகக் கல்வி வெளியீட்டுத் திணைக்களம் அறிவித்துள்ளது.
இதற்கமைய, அனைத்துப் பாடசாலைகளுக்கும் தேவையான பாடநூல்களை விநியோகிக்கும் பணிகள் எதிர்வரும் டிசம்பர் மாதம் 31 ஆம் திகதிக்குள் முழுமையாக நிறைவு செய்யப்படும் எனத் திணைக்களம் தெரிவித்துள்ளது.
இதேவேளை கடந்த ஆண்டு சிக்கல்களை எதிர்கொண்ட தரம் 6 க்கான புதிய ஆங்கிலப் பாடத் தொகுதி தற்போது முழுமைப்படுத்தப்பட்டு அச்சிடப்பட்டுள்ளது.
இவற்றுடன் தரம் 2 க்கான புதிய பாடத் தொகுதியின் அச்சிடுதல் மற்றும் விநியோகப் பணிகளும் ஆரம்பமாகியுள்ளன.
இந்தத் திட்டத்தின் கீழ் எதிர்வரும் ஆண்டுக்கான தரம் 6 பாடத் தொகுதிகளின் விநியோகமும் இடம்பெறவுள்ளது.
நாடளாவிய ரீதியில் உள்ள அனைத்துப் பாடசாலைகளுக்கும் உரிய காலப்பகுதிக்குள் பாடநூல்களைத் தங்குதடையின்றி வழங்குவதற்கான அனைத்து ஏற்பாடுகளும் செய்யப்பட்டுள்ளதாகக் கல்வி வெளியீட்டுத் திணைக்களம் மேலும் குறிப்பிட்டுள்ளது.
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
யாழ்ப்பாணம், வவுனியா, கனடா, Canada, Montreal, Canada
31 Aug, 2015
