இலங்கைக்கு சுற்றுலா வந்த வெளிநாட்டவர் ஒருவருக்கு ஏற்பட்ட பாரிய ஏமாற்றம்! நடந்தது என்ன?

Puttalam Sri Lanka Tourism Tourism Italy

By Shankar Jan 14, 2025 01:29 PM GMT

Shankar

Report

இலங்கைக்கு சுற்றுலா வந்த இத்தாலி நாட்டைச் சேர்ந்த ஒருவர் ஏமாற்றப்பட்ட சம்பவம் ஒன்று இடம்பெற்றுள்ளது.

சம்பவம் தொடர்பில் மேலும் தெரியவருவதாவது,

இலங்கைக்கு சுற்றுலா வந்த வெளிநாட்டவர் ஒருவருக்கு ஏற்பட்ட பாரிய ஏமாற்றம்! நடந்தது என்ன? | Disappointment Italian Tourist Came To Sri Lanka

குறித்த வெளிநாட்டவர் கற்பிட்டி பகுதியில் உள்ள ஹோட்டல் ஒன்றில் தங்குவதற்காக இணையத்தில் அறை ஒன்றை பதிவு செய்துவிட்டு, அங்கு வந்து பார்த்த போது குறித்த ஹோட்டல் மூடப்பட்ட நிலையில் காணப்பட்டதாக கற்பிட்டி பொலிஸாரிடம் நேற்றையதினம் (13-01-2025) முறைப்பாடு செய்துள்ளார்.

இது தொடர்பில் பொலிஸார் விசாரித்த போது,

அந்த ஹோட்டல் 5 ஆண்டுகளாக மூடிக் கிடப்பதாக தமக்கு தகவல் கிடைத்துள்ளதாகவும், இது தனக்கு பெரும் ஏமாற்றத்தை கொடுத்துள்ளதாகவும் அவர் பொலிஸாரிடம் கூறியுள்ளார்.

சுற்றுலா அறைகளை முன்பதிவு செய்யும் இணையதளம் மூலம் இந்த ஹோட்டலை தேர்வு செய்துள்ள அவர், 72,000 ரூபாவை முன்பணமாக இணையத்தில் செலுத்துமாறு தெரிவிக்கப்பட்டுள்ளது.

அந்த வெளிநாட்டு பிரஜை பணத்தை இணையத்தில் செலுத்தாமல் நேரில் வந்து செலுத்துவதாக கூறியுள்ளார்.

இருப்பினும், குறித்த ஹோட்டலுக்கு வருகை தந்து பார்த்த போது, அந்த ஹோட்டல் கடந்த 5 வருடங்களாக பூட்டியே கிடப்பதாக தகவல் கிடைத்துள்ளதாக வெளிநாட்டவர் மேலும் கூறியுள்ளார்.

இதனையடுத்து, குறித்த வெளிநாட்டு பிரஜைக்கு கற்பிட்டி பொலிஸாரின் உதவியால் ஹோட்டல் ஒன்றில் வாடகைக்கு அறை ஒன்று பெற்றுக்கொடுக்கப்பட்டுள்ளதாக தெரிவிக்கப்படுகிறது.