லங்காசிறி FM
தடுப்பு காவலில் இளைஞர் பலி; பொலிஸ் அதிகாரிகள் மூவர் பணியிடை நீக்கம்
போதைப்பொருள் குற்றச்சாட்டு தொடர்பில் ஹோமாகம பொலிஸாரால் கைது செய்யப்பட்டு தடுப்பில் வைக்கப்பட்டிருந்த சந்தேகநபர் ஒருவர் வைத்தியசாலையில் அனுமதிக்கப்பட்டபோது உயிரிழந்த சம்பவம் தொடர்பில், உடன் அமுலாகும் வகையில் பொலிஸ் அதிகாரிகள் மூவர் பணியிடை நீக்கம் செய்யப்பட்டுள்ளனர்.
இதற்கமைய, அந்த பொலிஸ் நிலையத்தின் குற்றப் பிரிவின் பொறுப்பாளர், உப பொலிஸ் பரிசோதகர் ஒருவர் மற்றும் பொலிஸ் சார்ஜன்ட் ஆகியோரின் சேவையே இவ்வாறு இடைநிறுத்தப்பட்டுள்ளது.
போதைப்பொருள் குற்றச்சாட்டு
மேலும், இந்த மரணம் தொடர்பான மேலதிக விசாரணைகளை மேற்கொள்வதற்காக மேல் மாகாண தெற்கு குற்றப்பிரிவிடம் ஒப்படைக்கப்பட்டுள்ளது.
உயிரிழந்த நபரின் பிரேத பரிசோதனை நாளை (27) நடைபெறவுள்ளது. இவ்வாறு உயிரிழந்தவர் கிரிவத்துடுவை பகுதியைச் சேர்ந்த இஷார ஹர்ஷ குமார என்ற 29 வயதுடைய இரண்டு பிள்ளைகளின் தந்தையாவார்.
பொலிஸாரின் கொடூரத் தாக்குதல் காரணமாகவே சந்தேகநபர் உயிரிழந்துள்ளதாக உயிரிழந்தவரின் உறவினர்கள் குற்றம் சுமத்துகின்றனர். நேற்று (25) காலை சந்தேகநபரைப் பார்வையிடுவதற்காக உறவினர்கள் பொலிஸ் நிலையத்திற்குச் சென்றபோது, பொலிஸார் அவரைத் தாக்கியுள்ளமை தெரியவந்துள்ளதாகக் கூறப்படுகிறது.
பின்னர் உறவினர்களின் தீவிர கோரிக்கைக்கு இணங்க சந்தேகநபரை ஹோமாகம ஆதார வைத்தியசாலையில் அனுமதிக்க பொலிஸ் உத்தியோகத்தர்கள் நடவடிக்கை எடுத்தபோதிலும், அதற்குள்ளேயே அவர் உயிரிழந்துவிட்டதாக உறவினர்கள் குற்றஞ்சாட்டியுள்ளனர்.
இன்னிலையில் ஹோமாகம பொலிஸாரால் கைது செய்யப்பட்டதாகக் கூறப்படும் இஷார ஹர்ஷ குமார, பொலிஸ் நிலையத்திற்குள் வைத்து கொலை செய்யப்பட்டதாக முன்வைக்கப்பட்டுள்ள குற்றச்சாட்டு தொடர்பில் அவரது உறவினர்கள் மனித உரிமைகள் ஆணைக்குழுவில் முறைப்பாடு செய்துள்ளனர்.
மேலும், அவருடன் கைது செய்யப்பட்ட வருண மதுசங்க என்ற மற்றொரு நபரை சட்ட வைத்திய அதிகாரியிடம் முன்னிலைப்படுத்தாமல் நீதிமன்றத்தில் ஆஜர்படுத்தியமை தொடர்பிலும் குறித்த முறைப்பாடு முன்வைக்கப்பட்டுள்ளது.
மானிப்பாய், Florida, United States, Southgate, United Kingdom
24 Sep, 2026
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
குப்பிளான், London, United Kingdom, பிரான்ஸ், France
23 Oct, 2021
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026