லங்காசிறி FM
தொலைபேசி அழைப்புகளால் அச்சத்தில் தொழிலதிபர் தம்பதி ; பொலிஸார் அதிரடி
Vethu
தலங்கம, தலவத்துகொட பகுதியில் வசிக்கும் பிரபல தொழிலதிபர் தம்பதியினருக்கு டுபாய் மற்றும் இலங்கையில் இருந்து தொலைபேசி அழைப்புகள் மேற்கொண்டு கொலை மிரட்டல் விடுக்கப்பட்டுள்ளது.
மிரட்டல் விடுத்து அவர்களிடம் 5 மில்லியன் ரூபாவை கப்பமாக பெற முயன்ற இரண்டு சந்தேக நபர்களில் ஒருவர் கைது செய்யப்பட்டதாக நுகேகொட பிரிவு குற்றத்தடுப்பு பிரிவு அதிகாரிகள் தெரிவித்துள்ளனர்.
அதிர்ச்சியிலும் பயத்திலும் இருந்த தொழிலதிபர் தம்பதி
சந்தேக நபரிடமிருந்து 7100 மில்லிகிராம் ஐஸ் போதைப்பொருளை பொலிஸார் கைப்பற்றியுள்ளனர். தொலைபேசி அழைப்புகள் மற்றும் அச்சுறுத்தல்கள் காரணமாக மிகுந்த அதிர்ச்சியிலும் பயத்திலும் இருந்த தொழிலதிபர் தம்பதி, பதில் பொலிஸ் மா அதிபரிடம் முறைப்பாடு செய்துள்ளனர்.
இதனையடுத்து மேற்கொள்ளப்பட்ட விசாரணைகளுக்கமைய, மிரட்டல் விடுத்த இருவரில் ஒருவர் கைது செய்யப்பட்டுள்ளார்.
தொலைபேசி பகுப்பாய்வு அறிக்கைகளை ஆராய்ந்த போது அவை உள்ளூர் தொலைபேசி எண்ணை அடையாளம் காணப்பட்டுள்ளனர்.
பின்னர் நீண்ட விசாரணையின் போது, பன்னல பகுதியில் இருந்து அழைப்புகளை மேற்கொண்ட சந்தேக நபர் அதே பகுதியில் கைது செய்யப்பட்டதாக பொலிஸார் தெரிவித்தனர்.
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
