யாழ்ப்பாணத்தில் 20 ஏக்கர் காணியில் குளம் அமைப்பு ; சமூக வலைத்தளத்தில் கேள்வி

Jaffna Sri Lanka Social Media

By Sahana Oct 16, 2026 07:20 PM GMT

Sahana

Report

வடமாகாணத்தின் சுற்றுச்சூழலை மேம்படுத்தவும், இயற்கை வன வளங்களைப் பாதுகாக்கவும் செயற்பட்டு வரும் கிறீன்லேயர் தன்னார்வ அமைப்பினால், யாழ்ப்பாணம் வாதரவத்தை, வீராணிச் சந்திப் பகுதியில் 20 ஏக்கர் அரச காணியில் புதிய குளமொன்று அமைக்கப்பட்டுள்ளதாக அதன் நிறுவுநரும் தலைவருமான பாக்கியநாதன் சசிகுமார் தெரிவித்துள்ளார்.

குறித்த குளம் அமைக்கும் திட்டத்துக்கான நிதி எவ்வாறு திரட்டப்பட்டது என்பது தொடர்பில் சமூக வலைத்தளத்தில் கருத்தொன்று பகிரப்பட்டுள்ளதுடன், அமைப்பின் நிதி வெளிப்படைத்தன்மை குறித்தும் கேள்விகள் எழுப்பப்பட்டுள்ளன.

யாழ்ப்பாணத்தில் 20 ஏக்கர் காணியில் குளம் அமைப்பு ; சமூக வலைத்தளத்தில் கேள்வி | Construction Of Pond On 20 Acres Of Land In Jaffna

சமூக வலைத்தளத்தில் பகிரப்பட்டுள்ள கருத்தில், “குளங்கள் தேவைதான். ஆனால், நிதி சேகரிப்பு தொடர்பான விபரங்களைப் பகிரங்கப்படுத்த முடியுமா? வெறுமனே வெளிநாட்டு மற்றும் உள்நாட்டு நன்கொடையாளர்கள் எனக் கூறிவிட்டுச் செல்ல முடியாது.

நிதிப் பங்களிப்பை வழங்கியவர்கள் யார், எவ்வளவு தொகை வழங்கப்பட்டது என்பன வெளிப்படுத்தப்பட வேண்டும்” எனக் குறிப்பிடப்பட்டுள்ளது.

மேலும், நாடாளுமன்ற உறுப்பினர் இளங்குமரன் அபிவிருத்திக் குழுக் கூட்டத்தில் தெரிவித்ததாகக் கூறப்படும் கருத்தையும் சுட்டிக்காட்டியுள்ள சமூக வலைத்தளப் பதிவாளர், அரசாங்கத்தின் நிதி ஒதுக்கீடுகளுக்கு அப்பால் சில அபிவிருத்தித் திட்டங்களுக்காக வெளிநாடுகளில் நிதி சேகரிக்கப்படுவதாகக் கூறப்படும் நிலையில், இவ்வாறான திட்டங்களின் நிதி விபரங்கள் வெளிப்படையாக அறிவிக்கப்பட வேண்டுமென வலியுறுத்தியுள்ளார்.