லங்காசிறி FM
கிளிநொச்சியில் பாய்ந்து பாய்ந்து பணம் வசூலித்த நடத்துனர்; முகம் சுழித்த பயணிகள்!
Sulokshi
கிளிநொச்சியிலிருந்து முகமாலை நோக்கி பயணித்த தனியார் பேருந்து ஒன்று சன நெரிசலுடன் பயணித்த நிலையில் , பயணிகளிடமிருந்து பணம் பெறுவதற்காக நடத்துனர் சீற் கம்பிமீது ஏறி பணம் வசூலித்தமை தொடர்பில் பலரும் விமர்சித்து வருகின்றனர்.
குறித்த தனியார் பேருந்து நேற்றையதினம் (28) அன்று கிளிநொச்சியில் இருந்து முகமாலை நோக்கி பயணித்தது.
பயணிகள் பெரும் அசௌகரியம்
இந் நிலையில், இதில் அதிகளவான பயணிகள் இருந்ததால், நடத்துனர் பணம் பெறுவதற்காக பேருந்தின் இருக்கைகளுக்கு மேல் ஏறி பயணித்துள்ளார்.
நடத்துனரின் இந்த நடத்தையால் , இருக்கைகளில் அமர்ந்திருந்த பயணிகள் பெரும் அசௌகரியத்திற்கு முகம் கொடுத்துள்ளனர்.
மேலும், தனியார் பேருந்துகளில் அதிகளவான பயணிகளை ஏற்றிச் செல்வதால் விபத்து ஏற்படும் அபாயம் அதிகரித்துள்ளதாக பயணிகள் குற்றம் சுமத்தியுள்ளனர்.
எனவே அளவுக்கதிகமான பயணிகளை ஏற்றும் பேருந்துக்கள் தொடர்பில் அதிகாரிகள் உடனடியாக கவனம் செலுத்த வேண்டும் என்றும் கோரிக்கை விடுத்துள்ளனர்.
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
