இடம்மாறும் முதலமைச்சர் விஜயின் ஆஸ்தான ஜோதிடர் ரத்தன் பண்டிட் !

     தமிழக அரசியல் களத்திலும் திரையுலகிலும் முன்னணி ஜோதிடராக அறியப்படும் ரத்தன் பண்டிட் (Rickey Radhan Pandit Vettrivel), இனி தான் தமிழ்நாட்டிற்கே வரப் போவதில்லை என்றும் தெலங்கானா மற்றும் பிற மாநிலங்களின் அரசியல் பணிகளில் கவனம் செலுத்தப் போவதாகவும் தெரிவித்துள்ள கருத்துக்கள் பேசுபொருளாகியுள்ளது.

2026 சட்டமன்றத் தேர்தலில் வெற்றி பெற்று தமிழக வெற்றிக் கழகத்தின் (TVK) தலைவர் சி. ஜோசப் விஜய் முதலமைச்சராகப் பொறுப்பேற்ற பிறகு, ரத்தன் பண்டிட்டுக்கு ‘முதலமைச்சரின் சிறப்புப் பிரிவு அதிகாரி’ (OSD – Political) என்ற அரசாங்கப் பதவி வழங்கப்பட்டது.

தன் மீது வைக்கப்பட்ட தேவையற்ற விமர்சனங்கள் 

சுற்றுலாத் தலங்களை ஆராய்தல் இருப்பினும், ஒரு மதச்சார்பற்ற ஆட்சியில் அரசாங்க நிர்வாகப் பதவிக்கு ஜோதிடரை நியமிப்பது அறிவியல் பூர்வமான அணுகுமுறை அல்ல என எதிர்க்கட்சிகள் மற்றும் தவெகவின் கூட்டணித் தோழமை அமைப்புகள் கடும் எதிர்ப்புகளைப் பதிவு செய்தன.

சமூக வலைத்தளங்களில் ஆபாசம்; பிரபல நடிகைக்கு பொலிஸார் வலைவீச்சு!

சட்டப்பேரவையிலும் பொதுவெளியிலும் எழுந்த இந்த விமர்சனங்கள் முதலமைச்சர் விஜய் தரப்பிற்குப் பெரும் அரசியல் அழுத்தத்தை உருவாக்கியதால், நியமிக்கப்பட்ட அடுத்த சில தினங்களிலேயே அந்தப் பதவி நியமன அரசாணைத் திரும்பப் பெறப்பட்டது.

அரசுப் பதவி ரத்து செய்யப்பட்டதைத் தொடர்ந்து வெளிநாட்டிற்குச் சென்ற ரத்தன் பண்டிட், அண்மையில் வெளியிட்ட வீடியோ நேர்காணலில் தனது அதிருப்தியைப் வெளிப்படுத்தியுள்ளார்.

மட்டக்களப்பில் துயரத்தை ஏற்படுத்திய மாணவியின் மரணம்

அதில், “தான் 2026 தேர்தலில் ஸ்டாலின் கொளத்தூர் தொகுதியில் தோல்வியடைவார் என்றும், பல அரசியல் மாற்றங்கள் நிகழும் என்றும் முன்கூட்டியே சரியாகக் கணித்ததாக” உரிமை கோரியுள்ளார்.

மேலும், பிற மாநிலங்களின் முதலமைச்சர்களும் வெளிநாட்டுப் பிரதமர்களும் தனது ஆலோசனைகளைக் கேட்கும் போது, தமிழகத்தில் இத்தகைய தேவையற்ற சர்ச்சைகள் உருவாக்கப்பட்டது தனக்கு வேதனையளிப்பதாகக் கூறியுள்ளார்.

திருகோணமலை எண்ணெய்த் தாங்கிகளை குத்தகைக்கு வழங்க தீர்மானம்!

தன் மீது வைக்கப்பட்ட தேவையற்ற விமர்சனங்கள் மற்றும் பதவி விலகல் சர்ச்சை காரணமாகவே தான் தமிழ்நாட்டுப் பக்கமே வரப்போவதில்லை என்ற முடிவை எடுத்துள்ளதாக ரத்தன் பண்டிட் விளக்கியுள்ளார்.

இந்த விவகாரம் தவெக அரசு அமைந்த தொடக்கக் காலத்திலேயே பெரிய அரசியல் பேசுபொருளாக மாறியிருந்த நிலையில், ரத்தன் பண்டிட்டின் இந்தத் திடீர் முடிவு இணையத்தில் பேசுபொருளாகியுள்ளது.