சர்வதேசக் கடல் பரப்பில் இந்திய-பாகிஸ்தான் மோதல்!

Pakistan India

By Sulokshi Sep 16, 2026 01:24 PM GMT

Sulokshi

Report

சர்வதேசக் கடல் பரப்பில் பாகிஸ்தான் கடற்படை கப்பலுடன் இந்தியக் கடற்படை கப்பல் ஒன்று மோதிய சம்பவம் பரபரப்பை ஏற்படுத்தியுள்ளது.

அதைத் தொடர்ந்து, புது டெல்லியில் உள்ள பாகிஸ்தானின் தூதரகப் பொறுப்பாளரை இந்தியா வரவழைத்துத் தனது கடும் எதிர்ப்பைப் பதிவு செய்துள்ளது.

பாகிஸ்தான் கடற்படைப் பிரிவினரின் ஏற்றுக்கொள்ள முடியாத மற்றும் தொழில்முறைக்கு ஒவ்வாத செயல்பாடே இந்த மோதலுக்குக் காரணம் என்று இந்திய வெளியுறவு அமைச்சகம் வெளியிட்ட அறிக்கையில் குறிப்பிடப்பட்டுள்ளது.

சர்வதேசக் கடல் பரப்பில் இந்திய-பாகிஸ்தான் மோதல்! | Clash Between Indian And Pakistani Naval Ships

இந்தியக் கப்பலுக்கு எந்தவித சேதமும் ஏற்படவில்லை

இந்த மோதலில் இந்தியக் கடற்படைக் கப்பலுக்கு எந்தவித சேதமும் ஏற்படவில்லை. இருப்பினும், இராணுவப் பயிற்சிகள், ஒத்திகைகள் மற்றும் படைகளின் நடமாட்டம் குறித்த முன்கூட்டிய அறிவிப்பு தொடர்பான இந்தியா-பாகிஸ்தான் இடையிலான 1991-ஆம் ஆண்டு ஒப்பந்தத்தின் 10-வது பிரிவை, பாகிஸ்தான் கடற்படைக் கப்பலின் செயல் நேரடியாக மீறும் வகையில் இருந்ததாக இந்தியா கூறியது.

இந்தியகலாச்சாரம் விபத்துகளைத் தவிர்க்கும் நோக்கில், சர்வதேசக் கடற்பரப்பில் செயல்படும்போது இரு நாடுகளின் கடற்படைக் கப்பல்கள் மற்றும் நீர்மூழ்கிக் கப்பல்கள் ஒன்றுக்கொன்று இடையே குறைந்தபட்சம் மூன்று கடல் மைல் இடைவெளியைப் பேண வேண்டும் என்று இந்த விதிமுறை வலியுறுத்துகிறது.

கடந்த ஆண்டு நடைபெற்ற ‘ஆபரேஷன் சிந்தூர்’ (Operation Sindoor) நடவடிக்கையைத் தொடர்ந்து, இந்தியாவுக்கும் பாகிஸ்தானுக்கும் இடையிலான பதற்றம் உச்சத்தில் உள்ள நிலையில் இந்த நிகழ்வு ஏற்பட்டுள்ளது.